ദേശീയപാത 66 വികസനം വേഗത്തില്‍; രാജ്യത്തെ പാത നിര്‍മാണത്തില്‍ ലക്ഷ്യം മറികടന്ന് അതോറിറ്റി

ന്യൂഡൽഹി: കഴിഞ്ഞ സാമ്പത്തിക വർഷം രാജ്യത്തെ ദേശീയപാത നിർമാണത്തിന്റെ വേഗതയിൽ നേരിയ കുറവുണ്ടായതായി റിപ്പോർട്ട്. എന്നാൽ, നിശ്ചയിച്ചിരുന്ന ലക്ഷ്യത്തേക്കാൾ 15 ശതമാനം അധികം ദൂരം പൂർത്തിയാക്കാൻ സാധിച്ചുവെന്ന് ദേശീയപാത അതോറിറ്റി (NHAI) വ്യക്തമാക്കി. 2024-25 വർഷത്തെ അപേക്ഷിച്ച് നിർമാണ ദൂരത്തിലും ചെലവഴിച്ച തുകയിലും കുറവുണ്ടായിട്ടുണ്ട്.

കഴിഞ്ഞ വർഷം നിർമാണം കുറഞ്ഞതായി തോന്നാമെങ്കിലും, അതോറിറ്റിയുടെ ലക്ഷ്യങ്ങളുമായി താരതമ്യം ചെയ്യുമ്പോൾ ഇത് വലിയ നേട്ടമാണെന്ന് അധികൃതർ ചൂണ്ടിക്കാട്ടുന്നു.

ബജറ്റ് വിഹിതത്തിൽ കുറവുണ്ടായിട്ടും പദ്ധതികൾ വേഗത്തിൽ പൂർത്തിയാക്കാൻ അതോറിറ്റി ശ്രമിച്ചു.

അനുവദിച്ച ബജറ്റ് വിഹിതത്തേക്കാൾ 2.5% അധികം തുക (ഏകദേശം ₹5978 കോടി) അതോറിറ്റി സ്വന്തം നിലയിൽ കണ്ടെത്തി വിനിയോഗിച്ചു. 2022-23 (₹1.73 ലക്ഷം കോടി), 2023-24 (₹2.07 ലക്ഷം കോടി) വർഷങ്ങളിൽ ചെലവിൽ ക്രമാനുഗതമായ വളർച്ച ഉണ്ടായിരുന്നുവെങ്കിലും കഴിഞ്ഞ വർഷം ഇതിൽ നേരിയ ഇടിവ് രേഖപ്പെടുത്തി.

നിർമാണ സാമഗ്രികളുടെ ലഭ്യതയും ബജറ്റ് പരിമിതികളും നിർമാണ വേഗതയെ ബാധിച്ചുവെങ്കിലും, നിശ്ചയിച്ച ടാർഗെറ്റുകൾ മറികടക്കാൻ കഴിഞ്ഞത് ശുഭസൂചനയായാണ് ദേശീയപാത അതോറിറ്റി വിലയിരുത്തുന്നത്.