ദേവസ്വം ബോര്ഡ് പ്രസിഡന്റ് കെ ജയകുമാറിനെ അയോഗ്യനാക്കണമെന്ന് ഹർജി
കാര്ഷികോത്പാദന കമ്മിഷണര് ഡോ. ബി. അശോക് ആണ് ഹര്ജി നല്കിയത്
തിരുവനന്തപുരം: തിരുവിതാംകൂർ ദേവസ്വം ബോര്ഡ് പ്രസിഡന്റ് കെ ജയകുമാറിനെ അയോഗ്യനാക്കണമെന്ന് ആവശ്യപ്പെട്ട് ഹർജി. ഇരട്ടപ്പദവി ചൂണ്ടിക്കാട്ടിയാണ് ഹർജി സമർപ്പിച്ചിരിക്കുന്നത്. സര്ക്കാരിന്റെ ശമ്പളം പറ്റുന്ന പദവി വഹിക്കുന്നയാള് തിരുവിതാംകൂര് ദേവസ്വം ബോര്ഡ് അംഗമോ, പ്രസിഡന്റോ ആകുന്നതിന് അയോഗ്യതയുണ്ടെന്നാണ് ഹർജിയിൽ പറയുന്നത്.
കാര്ഷികോത്പാദന കമ്മിഷണര് ഡോ. ബി. അശോക് ആണ് ഹര്ജി നല്കിയത്. തിരുവനന്തപുരം ജില്ലാ കോടതിയിൽ ഹർജി നൽകിയത്. അതേസമയം, ഇരട്ടപ്പദവി ഇല്ലെന്നും ബോർഡ് പ്രസിഡന്റ് ആയതിൽ ചട്ടലംഘനം ഇല്ലെന്നും കെ ജയകുമാർ പറയുന്നു. രണ്ടിടത്തും ആനുകൂല്യം പറ്റുന്നില്ലെന്നും ഐഎജി ഡയറക്ടർ പദവിയിൽ തിരഞ്ഞെടുപ്പ് കഴിഞ്ഞാൽ പുതിയ ആളെ നിയമിക്കുമെന്നും ജയകുമാർ വ്യക്തമാക്കി.
കെ. ജയകുമാര് നിലവില് ഇന്സ്റ്റിറ്റ്യൂട്ട് ഒഫ് മാനേജ്മെന്റ് ഇന് ഗവണ്മെന്റ് (IMG) എന്ന സര്ക്കാര് സ്ഥാപനത്തിന്റെ ഡയറക്ടര് കൂടി ആണ്. തിരുവനന്തപുരം പ്രിന്സിപ്പല് ജില്ലാ കോടതി ഹര്ജി ഫയലില് സ്വീകരിച്ചു.
What's Your Reaction?
