ഓണ്ലൈന് ഡെലിവറി തൊഴിലാളികളുടെ രാജ്യവ്യാപക പണിമുടക്ക് ആരംഭിച്ചു
വേതന വര്ധനയും ഇന്ഷുറന്സ് ആനുകൂല്യവും അനുവദിക്കണമെന്ന് ആവശ്യപ്പെട്ടാണ് പണിമുടക്ക്
ഡൽഹി: ഓണ്ലൈന് ഡെലിവറി തൊഴിലാളികള് രാജ്യവ്യാപക സമരത്തില്. കുറഞ്ഞ വേതനവും തൊഴില് സുരക്ഷയും ആവശ്യപ്പെട്ടാണ് ഡെലിവറി തൊഴിലാളികളുടെ പ്രതിഷേധം. ഭക്ഷ്യ വിതരണ പ്ലാറ്റ്ഫോമുകളായ സ്വിഗ്ഗി, സൊമാറ്റോ, സെപ്റ്റോ, ബ്ലിങ്കിറ്റ്, ആമസോൺ ഉൾപ്പെടെയുള്ള പ്രമുഖ ഓൺലൈൻ ശൃംഖലകളിലെ തൊഴിലാളികൾ പങ്കെടുക്കുന്നുണ്ട്.
വേതന വര്ധനയും ഇന്ഷുറന്സ് ആനുകൂല്യവും അനുവദിക്കണമെന്ന് ആവശ്യപ്പെട്ടാണ് പണിമുടക്ക്. 10 മിനിറ്റിനുളളില് ഡെലിവറി ഗ്യാരണ്ടി ചെയ്യുന്നത് നിര്ത്തലാക്കണമെന്നും ആവശ്യമുണ്ട്. തെലങ്കാന ഗിഗ് ആൻഡ് പ്ലാറ്റ്ഫോം വർക്കേഴ്സ് യൂണിയൻ, ഇന്ത്യൻ ഫെഡറേഷൻ ഓഫ് ആപ്പ് ബേസ്ഡ് ട്രാൻസ്പോർട്ട് വർക്കേഴ്സ്, എന്നിവരുടെ നേതൃത്വത്തിലാണ് പണിമുടക്ക് നടക്കുന്നത്.
മഹാരാഷ്ട്ര, കര്ണാടക, ഡൽഹി ,പശ്ചിമ ബംഗാള്, തമിഴ്നാടിന്റെ ചില ഭാഗങ്ങള് എന്നിവിടങ്ങളില് നിന്നുള്ള പ്ലാറ്റ്ഫോം വര്ക്കേഴ്സ് യൂണിയനുകള് ഉള്പ്പെടെ ഒന്നിലധികം പ്രാദേശിക കൂട്ടായ്മകളുടെ പിന്തുണയോടെയാണ് പണിമുടക്ക് നടക്കുന്നത്.
What's Your Reaction?
