ബി സുദര്ശന് റെഡ്ഡി ഇന്ഡ്യാ സഖ്യത്തിന്റെ ഉപരാഷ്ട്രപതി സ്ഥാനാര്ത്ഥി
21ന് നോമിനേഷൻ സമർപ്പിക്കുമെന്ന് ഇന്ത്യാ സഖ്യം അറിയിച്ചു
ഡൽഹി: ജസ്റ്റിസ് സുദര്ശൻ റെഡ്ഡിയെ ഇന്ത്യ സഖ്യത്തിന്റെ ഉപരാഷ്ട്രപതി സ്ഥാനാര്ത്ഥിയായി പ്രഖ്യാപിച്ചു. ഇന്ത്യാ മുന്നണി യോഗത്തിലാണ് ഉപരാഷ്ട്രപതി സ്ഥാനാർഥിയെ തീരുമനിച്ചത്. കോൺഗ്രസ് അധ്യക്ഷൻ മല്ലികാർജുൻ ഖാർഗെയാണ് സ്ഥാനാർഥിയെ പ്രഖ്യാപിച്ചത്.
ഭരണഘടന സംരക്ഷിക്കാനുള്ള പോരാട്ടമാണെന്ന് സ്ഥാനാർത്ഥി പ്രഖ്യാപനത്തിന് ശേഷം ഖർഗെ പ്രതികരിച്ചു. സുപ്രീം കോടതി മുൻ ജഡ്ജിയും ആന്ധ്രാ ഹൈക്കോടതി മുൻ ജഡ്ജി കൂടിയാണ് അദ്ദേഹം. 21ന് നോമിനേഷൻ സമർപ്പിക്കുമെന്ന് ഇന്ത്യാ സഖ്യം അറിയിച്ചു. സുപ്രീംകോടതി മുന് ജഡ്ജിയായ സുദര്ശന് റെഡ്ഡി ഗോവയുടെ ആദ്യ ലോകായുക്ത കൂടിയാണ്.
അതേസമയം മഹാരാഷ്ട്ര ഗവര്ണറും തമിഴ്നാട് ബിജെപി മുന് അധ്യക്ഷനുമായ സി പി രാധാകൃഷ്ണനാണ് എന് ഡി എയുടെ വൈസ് പ്രസിഡന്റ് സ്ഥാനാര്ത്ഥി. കഴിഞ്ഞ ദിവസം ചേർന്ന ബി ജെ പി പാര്ലമെന്ററി യോഗത്തിലാണ് ഉപരാഷ്ട്രപതി സ്ഥാനാര്ത്ഥിയെ സംബന്ധിച്ച തീരുമാനം ഉണ്ടായത്.
What's Your Reaction?
