നിമിഷ പ്രിയയുടെ വധശിക്ഷ നടപ്പാക്കാന് ഒരു ദിവസം മാത്രം, ചര്ച്ച ഇന്നും തുടരും
കാന്തപുരം അബൂബക്കര് മുസ്ലിയാരുടെ ഇടപെടലില് യെമനിലെ സുന്നി പണ്ഡിതനാണ് കൊല്ലപ്പെട്ട തലാലിന്റെ കുടുംബവുമായി സംസാരിച്ചത്
യെമനിലെ ജയിലില് വധശിക്ഷ കാത്ത് കഴിയുന്ന നിമിഷ പ്രിയയുടെ മോചനം സംബന്ധിച്ച വിഷയത്തില് ചര്ച്ച ഇന്നും തുടരുമെന്ന് പ്രതിനിധി സംഘം. ദയാധനം സ്വീകരിച്ച് മാപ്പ് നല്കണമെന്ന പ്രതിനിധി സംഘത്തിന്റെ നിര്ദേശത്തോട് യെമനി പൗരന്റെ കുടുംബം ഇതുവരെ പ്രതികരണം അറിയിച്ചില്ലെന്നാണ് പുറത്തുവരുന്ന വിവരം. കാന്തപുരം അബൂബക്കര് മുസ്ലിയാരുടെ ഇടപെടലില് യെമനിലെ സുന്നി പണ്ഡിതനാണ് കൊല്ലപ്പെട്ട തലാലിന്റെ കുടുംബവുമായി സംസാരിച്ചത്.
ചര്ച്ചകള് തുടരുന്ന സാഹചര്യത്തില് വധശിക്ഷ നടപ്പാക്കുന്നത് നീട്ടിവയ്ക്കണം എന്നാവശ്യപ്പെട്ട് സനയിലെ കോടതിയിൽ ഇന്ന് ഹർജി നൽകും. സനായിലെ ക്രിമിനൽ കോടതിയിലാണ് ഹർജി നൽകുക. കൊല്ലപ്പെട്ട യെമനി പൗരന്റെ കുടുംബവുമായി ചർച്ച നടക്കുന്നതിനാൽ നീട്ടിവെക്കണം എന്നാണ് ആവശ്യപ്പെടുക.
യെമനിലെ ജയിലില് വധശിക്ഷ കാത്ത് കഴിയുന്ന മലയാളി നഴ്സ് നിമിഷപ്രിയയുടെ മോചനവുമായി ബന്ധപ്പെട്ട് വത്തിക്കാന്റെ ഇടപെടല് ആവശ്യപ്പെട്ട് നിവേദനം നല്കി. സേവ് നിമിഷപ്രിയ ഗ്ലോബല് ആക്ഷന് കൗണ്സില് വൈസ് ചെയര്പേഴ്സന് അഡ്വ. ദീപ ജോസഫ് ആണ് ഇന്ത്യയിലെ വത്തിക്കാന് സ്ഥാനപതി ആര്ച്ച്ബിഷപ് ഡോ. ലിയോ പോള്ദോ ജിറെല്ലിയ്ക്ക് നിവേദനം നല്കിയത്.
What's Your Reaction?
