ഇന്ത്യയിലെ കൂടുതല്‍ വില്‍പനയുള്ള എംപിവിയായി ഈ കാര്‍...

ഇന്ത്യയിലെ മൾട്ടി പർപ്പസ് വെഹിക്കിൾ (എം.പി.വി.) വിഭാഗത്തിൽ മാരുതി സുസുക്കി എർട്ടിഗ വീണ്ടും തങ്ങളുടെ ആധിപത്യം തെളിയിച്ചു. 2025 സെപ്തംബറിൽ കമ്പനി 12,115 യൂണിറ്റ് എർട്ടിഗ വിറ്റഴിച്ചു. ഇതോടെ, രാജ്യത്ത് ഏറ്റവും കൂടുതൽ വിറ്റഴിക്കപ്പെടുന്ന 7 സീറ്റർ എം.പി.വി. ആയി എർട്ടിഗ മാറി.

സി.എൻ.ജി.യിലും പെട്രോളിലും ലഭ്യമാകുന്ന എർട്ടിഗയുടെ ജനപ്രീതിക്ക് പ്രധാന കാരണം അതിന്റെ മികച്ച പ്രകടനവും ഉയർന്ന ഇന്ധനക്ഷമതയുമാണ്. 1.5 ലിറ്റർ 'കെ സീരീസ്' ഡ്യുവൽ ജെറ്റ് എഞ്ചിനാണ് എർട്ടിഗയ്ക്ക് കരുത്ത് പകരുന്നത്. ഈ എഞ്ചിൻ 103 ബി.എച്ച്.പി. കരുത്തും 136.8 എൻ.എം. ടോർക്കും ഉത്പാദിപ്പിക്കുന്നു.
പെട്രോള്‍ വേരിയന്റിന് ഏകദേശം 20.5 കിലോമീറ്റര്‍/ലിറ്റര്‍ ഇന്ധനക്ഷമതയുണ്ട്.

സി.എൻ.ജി. വേരിയന്‍റിന് ഏകദേശം 26.1 കി.മീ./കിലോഗ്രാം (ഇന്ധനക്ഷമതയുടെ കാര്യത്തിൽ എർട്ടിഗ ഈ വിഭാഗത്തിൽ മുന്നിലാണ്). നാല് എയർബാഗുകൾ, ഇ.ബി.ഡി.യോടുകൂടിയ എ.ബി.എസ്. (ആൻ്റി ലോക്ക് ബ്രേക്കിംഗ് സിസ്റ്റം), ഇ.എസ്.പി. (ഇലക്ട്രോണിക് സ്റ്റെബിലിറ്റി പ്രോഗ്രാം) എന്നിവ സുരക്ഷ ഉറപ്പാക്കുന്നു. ഇന്ത്യൻ വിപണിയിൽ എർട്ടിഗയുടെ എക്സ്-ഷോറൂം വില 8.80 ലക്ഷം രൂപ മുതൽ 12.94 ലക്ഷം രൂപ വരെയാണ്.