ടൊയോട്ട ലാന്‍ഡ് ക്രൂയിസര്‍ എഫ്.ജെ. വരുന്നു

പ്രമുഖ വാഹന നിർമാതാക്കളായ ടൊയോട്ട തങ്ങളുടെ ജനപ്രിയ ലാൻഡ് ക്രൂയിസർ നിരയിലേക്ക് പുതിയ കൂട്ടിച്ചേർക്കലായി ലാന്‍ഡ് ക്രൂയിസര്‍ എഫ്.ജെ.യുടെ ചിത്രം പുറത്തുവിട്ടു. താരതമ്യേന ഒതുക്കമുള്ള ഈ എസ്‌യുവി, 2025-ലെ ജപ്പാന്‍ മൊബിലിറ്റി ഷോയിൽ പൊതുജനങ്ങൾക്ക് മുന്നിൽ അവതരിപ്പിക്കും. 2026 മധ്യത്തോടെ പുതിയ മോഡൽ ജപ്പാനിൽ വിപണിയിൽ എത്തിക്കാനാണ് കമ്പനി പദ്ധതിയിടുന്നത്.

ടൊയോട്ടയുടെ ഐ.എം.വി. (IMV) സീരീസിൽ നിന്ന് പരിഷ്കരിച്ച പ്ലാറ്റ്‌ഫോമിലാണ് ലാന്‍ഡ് ക്രൂയിസര്‍ എഫ്.ജെ. നിർമ്മിച്ചിരിക്കുന്നത്. ഈ പുതിയ വാഹനത്തിന് ലാന്‍ഡ് ക്രൂയിസര്‍ 250-നേക്കാൾ 270 എം.എം. കുറഞ്ഞ വീൽബേസാണുള്ളത്.

സുഗമമായ യാത്രക്കായി 70 സീരീസിന് സമാനമായ വീൽ ആർട്ടിക്കുലേഷനും 5.5 മീറ്റർ ടേണിങ് റേഡിയസും വാഹനം വാഗ്ദാനം ചെയ്യുന്നു. 6 എ.ടി. (6AT) ഗിയർബോക്സും 4 ഡബ്ലിയു.ഡി. (4WD) സിസ്റ്റവുമായി ജോടിയാക്കിയ 2.7 ലിറ്റർ പെട്രോൾ എന്‍ജിനാണ് വാഹനത്തിന് കരുത്തേകുന്നത്. ഈ എഞ്ചിൻ 160 ബി.എച്ച്.പി. (BHP) പവറും 246 എൻ.എം. (NM) ടോര്‍ക്കും ഉത്പാദിപ്പിക്കാൻ ശേഷിയുള്ളതാണ്.

ലാന്‍ഡ് ക്രൂയിസര്‍ എഫ്.ജെ.ക്ക് 4,575 എം.എം. നീളവും, 1,855 എം.എം. വീതിയും, 1,960 എം.എം. ഉയരവുമുണ്ട്. സീറ്റിംഗ് ലേഔട്ട്: വാഹനം ഫൈവ് സീറ്റര്‍ ലേഔട്ടുമായിട്ടാണ് വിപണിയിൽ എത്തുക.