തന്റെ നിലപാടുകൾ വിവാദമാക്കേണ്ട കാര്യമില്ല; ശശി തരൂർ

തിരുവനന്തപുരം: തന്റെ നിലപാടുകൾ വിവാദമാക്കേണ്ട കാര്യമില്ലെന്ന് കോൺഗ്രസ് നേതാവ് ശശി തരൂർ എം പി.  പ്രശ്നങ്ങളൊന്നുമില്ലെന്നും ശശി തരൂർ എംപി. വിവാദമുണ്ടാക്കാനല്ല ലേഖനമെഴുതിയത്. രാഹുല്‍ ഗാന്ധിയുമായുള്ള കൂടിക്കാഴ്ച ആവശ്യപ്പെട്ടത് താനാണെന്നും ശശി തരൂർ പറഞ്ഞു.

രാഹുൽ ​ഗാന്ധിയുമായുള്ള കൂടിക്കാഴ്ച പോസിറ്റീവായിരുന്നു. പല വിഷയങ്ങളും ചർച്ചയായി.  എന്നാൽ പുറത്തു പറയില്ലെന്നും തരൂർ വ്യക്തമാക്കി. പരാതി പറയാന്‍ അല്ല രാഹുലിനെ കാണാന്‍ പോയതെന്നും ചില അഭിപ്രായങ്ങള്‍ പറഞ്ഞുവെന്നും തിരഞ്ഞെടുപ്പോ ചുമതലകളോ ചര്‍ച്ച ആയില്ലെന്നും അദ്ദേഹം കൂട്ടിച്ചേർത്തു.