ഓപ്പറേഷന് നുംഖോർ: ദുൽഖര് സൽമാന്റെ ഉടമസ്ഥതയിലുള്ള വാഹനം കണ്ടെത്തി
ആര്മിയാണ് വാഹനത്തിന്റെ ഫസ്റ്റ് ഓണര്
കൊച്ചി: ഓപ്പറേഷൻ നുംഖോര് പരിശോധനയുടെ ഭാഗമായി നടൻ ദുൽഖർ സൽമാന്റെ ഉടമസ്ഥതയിലുള്ള ഒരു വാഹനം കസ്റ്റംസ് കണ്ടെത്തി. നിസാൻ പട്രോൾ കാറാണ് കണ്ടെടുത്തത്. കൊച്ചിയിലുള്ള ഫ്ലാറ്റിൽ നിന്നാണ് വാഹനം പിടിച്ചെടുത്തത്.
ആര്മിയാണ് വാഹനത്തിന്റെ ഫസ്റ്റ് ഓണര്. നേരത്തെ ദുൽഖരിന്റെ ലാന്ഡ് റോവര് ഡിഫന്ഡര് വാഹനം കസ്റ്റംസ് പിടിച്ചെടുത്തിരുന്നു. ഹിമാചൽ സ്വദേശിയിൽ നിന്നാണ് ദുൽഖര് വാഹനം വാങ്ങിയതെന്നാണ് രേഖ. ദുൽഖറിന്റെ രണ്ട് ലാൻഡ് റോവർ വാഹനങ്ങളും രണ്ട് നിസാൻ പട്രോൾ വാഹനങ്ങളാണ് കസ്റ്റംസിന്റെ സംശയനിഴലിലുള്ളത്.
27 വര്ഷം പഴക്കമുളളതാണ് വാഹനം. അതെ സമയം കസ്റ്റംസിന്റെ ഓപ്പറേഷൻ നുംഖോറിൽ വാഹനം പിടിച്ചെടുത്ത നടപടി ചോദ്യം ചെയ്ത് നടൻ ദുൽഖർ സൽമാൻ ഇന്നലെ ഹൈക്കോടതിയെ സമീപിച്ചിരുന്നു. ഇതിനിടെയാണ് ദുൽഖറിന്റെ ഉടമസ്ഥതയിലുള്ള നിസ്സാൻ പട്രോള് വാഹനവും കസ്റ്റംസ് കണ്ടെത്തിയത്.
What's Your Reaction?
