1.31,000 കടന്ന് സ്വർണവില; ഗ്രാമിന് 16,000 കടന്നു
18 കാരറ്റ് സ്വര്ണത്തിനും വില വര്ധിച്ചു
തിരുവനന്തപുരം: സംസ്ഥാനത്ത് ഇന്ന് സ്വർണവില കുത്തനെ ഉയർന്നു. പവന്റെ വില ആദ്യമായി ഒറ്റ ദിവസം 8,000 ത്തിലധികം രൂപയുടെ വർധനവ് രേഖപ്പെടുത്തി. കേരളത്തില് ഇന്ന് ഒരു പവന് 22 കാരറ്റ് സ്വര്ണത്തിന് ഒറ്റയടിക്ക് 8,640 രൂപയാണ് വര്ധിച്ചത്. ഇതോടെ ഒരു പവന് സ്വര്ണത്തിന് 1,31,160 രൂപയായി.
ഏറ്റവും കുറഞ്ഞ പണിക്കൂലിയായ 5 ശതമാനവും ജിഎസ്ടി മൂന്ന് ശതമാനവും ഹാൾമാർക്കിങ് ചാർജും ചേർത്താൽ ഇന്ന് ഒരു പവൻ സ്വർണാഭരണം വാങ്ങാൻ 1,60,000 രൂപയ്ക്ക് മുകളിൽ നൽകണം. ഗ്രാമിന് 1080 രൂപയുടെ വർധനവാണ് രേഖപ്പെടുത്തി 16,395 രൂപയുമായിലെത്തി.
18 കാരറ്റ് സ്വര്ണത്തിനും വില വര്ധിച്ചു. ഇന്നലെ ആദ്യമായി 18 കാരറ്റ് സ്വര്ണത്തിന് ഒരു ലക്ഷം രൂപ കടന്നിരുന്നു. 13,465 രൂപയാണ് 18 കാരറ്റ് ഒരു ഗ്രാമിന്റെ ഇന്നത്തെ വില. ഒരു ഗ്രാം 14 കാരറ്റ് സ്വർണത്തിന്റെ വില 10485 രൂപ. ഒരു ഗ്രാം 9 കാരറ്റ് സ്വർണത്തിന്റെ വില 6755 രൂപ.
വെള്ളിയുടെ വിലയും കുതിക്കുകയാണ്. ഇന്നലെ ഒരു ഗ്രാം വെളളിക്ക് 380 രൂപയായിരുന്നു. ഇന്ന് അത് 410 രൂപയായി ഉയര്ന്നിട്ടുണ്ട്. 10 ഗ്രാം വെള്ളിക്ക് 4,100 രൂപയാണ് ഇന്നത്തെ വിപണിവില. അന്താരാഷ്ട്ര സംഘർഷങ്ങൾ വർധിക്കുന്നതിനാൽ സ്വർണ്ണവില വീണ്ടും ഉയരുമെന്ന് സൂചനകളാണ് വരുന്നത്.
What's Your Reaction?
