മഹാരാഷ്ട്രയിലെ ഭണ്ഡാരയിലെ ഓർഡനൻസ് ഫാക്ടറിയിൽ സ്‌ഫോടനം; ഒരാൾ മരിച്ചു, നിരവധി പേർ കുടുങ്ങി

മുംബൈ: മഹാരാഷ്ട്രയിലെ ഭണ്ഡാര ജില്ലയിലെ ഓർഡനൻസ് ഫാക്ടറിയുടെ മേൽക്കൂര തകർന്ന് സ്‌ഫോടനത്തെ തുടർന്ന് ഒരാൾ മരിക്കുകയും ഏഴോ എട്ടോ പേർ കുടുങ്ങിപ്പോയതായും അധികൃതർ അറിയിച്ചു.

ജവഹർ നഗർ പ്രദേശത്തെ ഓർഡനൻസ് ഫാക്ടറിയുടെ എൽ.ടി.പി വിഭാഗത്തിൽ രാവിലെ 10.30 ഓടെയാണ് സ്‌ഫോടനമുണ്ടായതെന്ന് പോലീസും ജില്ലാ അധികൃതരും അറിയിച്ചു. മേൽക്കൂര തകർന്നുവെന്നും അവശിഷ്ടങ്ങൾ നീക്കം ചെയ്യാൻ എക്‌സ്‌കവേറ്റർ വിന്യസിച്ചിട്ടുണ്ടെന്നും അവർ കൂട്ടിച്ചേർത്തു.

സംഭവസമയത്ത് 13 മുതൽ 14 പേർ വരെ യൂണിറ്റിൽ ജോലി ചെയ്തിരുന്നതായി ജില്ലാ കളക്ടർ സഞ്ജയ് കോൾട്ടെ പറഞ്ഞു.

ആറ് പേരെ പുറത്തെത്തിച്ചതായും ഇതിൽ ഒരാൾ മരിച്ചുവെന്നും മറ്റുള്ളവർ ആശുപത്രിയിൽ ചികിത്സയിലാണെന്നും അദ്ദേഹം പറഞ്ഞു.

അവശിഷ്ടങ്ങൾക്കിടയിൽ കുടുങ്ങിക്കിടക്കുന്ന ഏഴ് മുതൽ എട്ട് വരെ ആളുകൾക്ക് വേണ്ടിയുള്ള രക്ഷാപ്രവർത്തനം പുരോഗമിക്കുകയാണെന്നും ഉദ്യോഗസ്ഥർ പറഞ്ഞു.

ഓർഡനൻസ് ഫാക്ടറിയിലുണ്ടായ സ്ഫോടനത്തിൽ ഒരു യൂണിറ്റിൻ്റെ മേൽക്കൂര തകർന്ന് 13 മുതൽ 14 വരെ തൊഴിലാളികൾ കുടുങ്ങിക്കിടക്കുന്നതായാണ് പ്രാഥമിക വിവരം.