കാനഡയില്‍ വിമാനം ലാന്‍ഡ് ചെയ്തതിന് പിന്നാലെ തല കീഴായി മറിഞ്ഞു; 17 പേര്‍ക്ക് പരിക്ക്

ടൊറന്‍റോ: വിമാനം ലാന്‍ഡ് ചെയ്തതിന് പിന്നാലെ തല കീഴായി മറിഞ്ഞ് അപകടത്തില്‍ 17 പേര്‍ക്ക് പരിക്ക്. കാനഡയിലെ ടൊറന്‍റോയിലാണ് സംഭവം. ഡെൽറ്റ എയർലൈൻസ് വിമാനമാണ് അപകടത്തിൽപ്പെട്ടത്. ഒരു കുട്ടിയടക്കം മൂന്ന് പേരുടെ നില അതീവ ​ഗുരുതരമാണെന്ന് റിപ്പോർട്ടുകളുണ്ട്.

മിനിയാപൊളിസിൽനിന്ന ടൊറന്‍റോയിലേക്കുള്ള ഡെൽറ്റ 4819 വിമാനമാണ് തല കീഴായി മാറിഞ്ഞത്. മഞ്ഞുമൂടിയ റൺവേയിലാണ് വിമാനം അപകടത്തിൽപ്പെട്ടത്. കനത്ത കാറ്റിനെ തുടർന്നാണ് അപകടമെന്നാണ് പ്രാഥമിക നി​ഗമനം. അപകടസമയത്ത് 80 യാത്രക്കാര്‍ വിമാനത്തിലുണ്ടായിരുന്നു.