തേനിയിൽ ബസും കാറും കൂട്ടിയിടിച്ച് 3 മലയാളികൾ മരിച്ചു, 18 പേർക്ക് പരിക്ക്

കോട്ടയം: ശനിയാഴ്ച രാവിലെ തേനി പെരിയകുളത്ത് ടൂറിസ്റ്റ് ബസും കാറും കൂട്ടിയിടിച്ച് കേരളത്തിൽ നിന്നുള്ള മൂന്ന് പേർ മരിക്കുകയും 18 പേർക്ക് പരിക്കേൽക്കുകയും ചെയ്തു. കുറവിലങ്ങാട് പഞ്ചായത്തിലെ ഗോവിന്ദാപുരം കോളനി, നമ്പുശേരി കോളനി നിവാസികളാണ് മരിച്ചത്.

ഗോവിന്ദാപുരം കോളനി കാഞ്ഞിരത്തുംകുഴിയിൽ സോണിമോൻ (45), അമ്പലത്തുങ്കൽ നമ്പുശേരി കോളനിയിൽ ജോബിൻ തോമസ് (33) എന്നിവരെയാണ് തിരിച്ചറിഞ്ഞത്. അപകടത്തിൽ പരിക്കേറ്റ ഗോവിന്ദാപുരം കോളനി സ്വദേശി ഷാജി പി.ഡി തേനി സർക്കാർ മെഡിക്കൽ കോളേജിൽ ചികിത്സയിലാണ്. ഇയാളുടെ നില ഗുരുതരമാണെന്നാണ് റിപ്പോർട്ട്..