അമേരിക്കയിലെ ബ്രൗണ് സര്വകലാശാലയിൽ വെടിവെയ്പ്പ്; രണ്ടുപേർ കൊല്ലപ്പെട്ടു
ശനിയാഴ്ച വൈകിട്ടാണ് വെടിവയ്പ്പപുണ്ടായത്
ന്യൂയോര്ക്ക്: അമേരിക്കയിലെ ബ്രൗണ് യൂണിവേഴ്സിറ്റിയിൽ വെടിവെയ്പ്പ്. ആക്രമണത്തിൽ രണ്ടു പേർ കൊല്ലപ്പെട്ടു. നിരവധി പേര്ക്ക് വെടിയേറ്റതായാണ് റിപ്പോര്ട്ടുകള്. ഇവരെ ആശുപത്രിയിൽ പ്രവേശിപ്പിച്ചു. പരിക്കേറ്റവരുടെ നില ഗുരുതരമാണ്. മരണ സംഖ്യ ഉയര്ന്നേക്കുമെന്നാണ് വിവരം.
റോഡ് ഐലണ്ടിലെ പ്രൊവിഡന്സിലെ ബ്രൗണ് യൂണിവേഴ്സിറ്റിയില് ശനിയാഴ്ച വൈകിട്ടാണ് വെടിവയ്പ്പപുണ്ടായത്. യൂണിവേഴ്സിറ്റിയിലെ എഞ്ചിനീയറിങ് ബ്ലോക്കിലാണ് വെടിവെയ്പ്പ് നടന്നത്. വെടിവെയ്പ്പ് നടത്തിയ അക്രമിയെ കണ്ടെത്താനായിട്ടില്ല.
യൂണിവേഴ്സിറ്റി ക്യാമ്പസിൽ പരീക്ഷ നടക്കുന്നതിനിടെയാണ് അക്രമം ഉണ്ടായത്. വെടിവയ്പ്പില് ഗുരുതരമായി പരുക്കേറ്റ എട്ടുപേരെ സമീപത്തുള്ള ആശുപത്രിയിലേക്ക് മാറ്റിയിട്ടുണ്ടെന്ന് പ്രൊവിഡന്സ് മേയര് ബ്രെറ്റ് സ്മൈലി അറിയിച്ചു. കറുത്ത വസ്ത്രം ധരിച്ച് എത്തിയ ഒരു പുരുഷനാണ് അക്രമിയെന്ന് പോലീസ് പറഞ്ഞു.
What's Your Reaction?
