ഡൽഹി സ്ഫോടനം: ഭീകരൻ ഉമർ നബിയുടെ വീട് തകർത്ത് സുരക്ഷ സേന
ഇന്ന് പുലർച്ചെയാണ് സുരക്ഷാ സേന ഉമര് നബിയും കുടുംബവും താമസിച്ചിരുന്ന വീട് തകർത്തത്
ഡൽഹി: ഡൽഹി ചെങ്കോട്ട സ്ഫോടനത്തിൽ നടപടി കടുപ്പിച്ച് സുരക്ഷാ സേന. സ്ഫോടനത്തിൽ ചാവേറായ ഭീകരൻ ഉമർ നബിയുടെ വീട് സുരക്ഷാ സേന തകർത്തു. ജമ്മു കശ്മീരിലെ പുൽവാമയിലെ വീടാണ് ഇടിച്ച് തകർത്തത്. ഐഇഡി ഉപയോഗിച്ചാണ് വീട് തകര്ത്തത്.
ഇന്ന് പുലർച്ചെയാണ് സുരക്ഷാ സേന ഉമര് നബിയും കുടുംബവും താമസിച്ചിരുന്ന വീട് തകർത്തത്. ചെങ്കോട്ടയില് സ്ഫോടനമുണ്ടായ കാറില് ഉണ്ടായിരുന്നത് ഉമര് നബി തന്നെയാണെന്ന് സ്ഥിരീകരിച്ചതിന് പിന്നാലെയാണ് നടപടി.
അതേസമയം കേസുമായി ബന്ധപ്പെട്ട് അന്വേഷണം പുരോഗമിക്കുകയാണ്. സ്ഫോടനത്തിന്റെ പശ്ചാത്തലത്തില് അറസ്റ്റിലായ ഫരീദാബാദ് അല്ഫലാ സര്വകലാശാലയിലെ ഡോക്ടര് അദീലിന്റെ സഹോദരന് മുസഫറിന് പാക് ബന്ധമുളളതായി റിപ്പോര്ട്ടുകള് പുറത്ത് വന്നിട്ടുണ്ട്. മാത്രമല്ല ചെങ്കോട്ടയിൽ സ്ഫോടനം നടത്താൻ തന്നെ ആയിരുന്നു ഉമറും കൂട്ടാളികളും പദ്ധതിയിട്ടിരുന്നത് എന്നും 4 സിറ്റികളിൽ സ്ഫോടനത്തിന് പദ്ധതിയിട്ടു എന്നതരത്തിലുള്ള റിപ്പോർട്ടുകളാണ് പുറത്ത് വരുന്നത്.
What's Your Reaction?
