'കേസില് പ്രതിയായ ഒരാള്ക്ക് എങ്ങനെ സിബിഐ അന്വേഷണം ആവശ്യപ്പെടാനാകും?'; ദിലീപിന് ഹൈക്കോടതിയുടെ രൂക്ഷ വിമർശനം

കൊച്ചി: നടിയെ ആക്രമിച്ച കേസില് സിബിഐ അന്വേഷണം ആവശ്യപ്പെട്ട് സമര്പ്പിച്ച ഹര്ജിയില് കേസിലെ പ്രതിയായ നടന് ദിലീപിന് ഹൈക്കോടതിയുടെ രൂക്ഷ വിമര്ശനം. കേസില് പ്രതിയായ ഒരാള്ക്ക് എങ്ങനെയാണ് സിബിഐ അന്വേഷണം ആവശ്യപ്പെടാന് കഴിയുക എന്ന് ഹൈക്കോടതി ഡിവിഷന് ബെഞ്ച് ആരാഞ്ഞു.
2017 ല് വാഹനത്തില് വെച്ച് നടി ആക്രമിക്കപ്പെട്ട കേസിലെ എട്ടാം പ്രതിയാണ് നടന് ദിലീപ്. ഈ കേസില് സത്യം പുറത്തുകൊണ്ടുവരാന് സിബിഐ അന്വേഷണത്തിന് ഉത്തരവിടണമെന്ന് ആവശ്യപ്പെട്ടാണ് ദിലീപ് ഹൈക്കോടതിയില് ഹര്ജി നല്കിയത്. ഈ ഹര്ജി പരിഗണിക്കുമ്പോഴായിരുന്നു കോടതിയുടെ വിമര്ശനം.
വര്ഷങ്ങളായി കേസ് ആവര്ത്തിച്ച് മാറ്റിവയ്ക്കുന്നുവെന്ന് നിരീക്ഷിച്ച കോടതി, അന്തിമ വാദം കേള്ക്കലിനായി കേസ് ഏപ്രില് 7 ലേക്ക് മാറ്റിവച്ചു.
What's Your Reaction?






