പിറന്നാള്‍ ദിനത്തില്‍ നയന്‍താരയ്ക്ക് വിഘ്നേഷ് ശിവന്‍ നല്‍കിയത് 9.5 കോടി രൂപയുടെ റോൾസ് റോയ്സ്

ചെന്നൈ: പിറന്നാൾ ദിനത്തിൽ നടി നയൻതാരയ്ക്ക് ഭർത്താവും സംവിധായകനുമായ വിഘ്‌നേഷ് ശിവൻ നൽകിയത് ആഡംബര സമ്മാനം. ഏകദേശം 9.5 കോടി രൂപ വിലമതിക്കുന്ന റോൾസ് റോയ്‌സ് കാറാണ് അദ്ദേഹം സമ്മാനിച്ചത്. റോൾസ് റോയ്‌സിൻ്റെ ഇലക്ട്രിക് കാറായ 'സ്പെക്ടർ ബ്ലാക് ബാഡ്ജ്' എഡിഷനാണ് നയൻതാരയുടെ ഗാരേജിൽ എത്തിയിരിക്കുന്നത്. പുതിയ വാഹനത്തിനൊപ്പം നയൻതാരയും മക്കളായ ഉയിരും ഉലകുമൊത്ത് വിഘ്‌നേഷും നിൽക്കുന്ന ചിത്രം സോഷ്യൽ മീഡിയയിൽ പങ്കുവെച്ചിട്ടുണ്ട്. 

ഈ വർഷം ജനുവരിയിലാണ് റോൾസ് റോയ്‌സ് ഈ മോഡൽ ഇന്ത്യൻ വിപണിയിൽ അവതരിപ്പിച്ചത്. ആഡംബര സൗകര്യങ്ങളിൽ താരതമ്യമില്ലാത്ത ഈ ഇലക്ട്രിക് കാർ അതിശക്തമായ പ്രകടന ശേഷിയുള്ളതാണ്. 102 കിലോവാട്ട് അവർ (kWh) ശേഷിയുള്ള ബാറ്ററിയാണ് കാറിൽ ഉപയോഗിക്കുന്നത്. ഒറ്റ ചാർജിൽ 530 കിലോമീറ്റർ റേഞ്ച് നൽകാൻ സ്പെക്ടറിന് സാധിക്കും. 659 ബിഎച്ച്പി ($bhp$)ടോർക്ക്: 1075 എൻഎം ($Nm$). രണ്ട് ഇലക്ട്രിക് മോട്ടോറുകളാണ് സ്പെക്ടറിലുള്ളത്.

2890 കിലോഗ്രാം ഭാരമുണ്ടെങ്കിലും, ഈ കാറിന് 100 കിലോമീറ്റർ വേഗം കൈവരിക്കാൻ വെറും 4.5 സെക്കൻഡ് മതി. 195 കിലോവാട്ട് ഡിസി ചാർജർ ഉപയോഗിച്ചാൽ, വെറും 34 മിനിറ്റിനുള്ളിൽ ബാറ്ററി 10% മുതൽ 80% വരെ ചാർജ് ചെയ്യാൻ സാധിക്കും.സാധാരണ സ്പെക്ടർ മോഡലിനേക്കാൾ കൂടുതൽ കരുത്തുള്ള എഡിഷനാണ് ബ്ലാക് ബാഡ്ജ്.