'സത്യമേവ ജയതേ'; സമൂഹമാധ്യമത്തില്‍ ആദ്യ പ്രതികരണം പങ്കുവെച്ച് പരാതിക്കാരി

തിരുവനന്തപുരം: യൂത്ത് കോൺഗ്രസ് നേതാവ് രാഹുൽ മാങ്കൂട്ടത്തിലിന് മുൻകൂർ ജാമ്യം കോടതി നിഷേധിച്ചതിന് പിന്നാലെ ആദ്യ പ്രതികരണവുമായി പരാതിക്കാരി. അവർ സാമൂഹിക മാധ്യമങ്ങളിലൂടെ പോസ്റ്റിട്ടാണ് തൻ്റെ പ്രതികരണം അറിയിച്ചത്.

പരാതിക്കാരി തൻ്റെ സോഷ്യൽ മീഡിയ സ്റ്റാറ്റസിൽ 'സത്യമേവ ജയതേ' (സത്യം ജയിക്കട്ടെ) എന്ന് കുറിച്ചു. ശ്രദ്ധേയമായി, ലൈംഗിക ആരോപണങ്ങൾ ഉയർന്ന സമയത്ത് രാഹുൽ മാങ്കൂട്ടത്തിൽ ആയിരുന്നു ഈ വാചകം ഉപയോഗിച്ച് പോസ്റ്റുകൾ പങ്കുവെച്ചിരുന്നത്. 'സത്യം ജയിക്കും' എന്ന പോസ്റ്റ് സാമൂഹിക മാധ്യമങ്ങളിൽ പങ്കുവെച്ച ശേഷമാണ് രാഹുൽ ഒളിവിൽ പോയത്.

കോടതിയുടെ ജാമ്യം നിഷേധിച്ചുള്ള ഉത്തരവിന് പിന്നാലെ രാഹുൽ ഉപയോഗിച്ച അതേ വാചകം പരാതിക്കാരിയും പങ്കുവെച്ചത് ശ്രദ്ധേയമാവുകയാണ്.