ബാക്കി വരുന്ന ചോറ് ഫ്രീഡ്ജില്‍ സൂക്ഷിച്ച ശേഷം തിളപ്പിച്ച് കഴിക്കാറുണ്ടോ? ഇക്കാര്യം ശ്രദ്ധിക്കുക
അരി വേവിച്ച ശേഷം പുറത്തെടുത്തുവച്ച്, 40 മുതല്‍ 140 ഡിഗ്രി ഫാരന്‍ഹീറ്റ് വരെയുള്ള താപനിലയിലെത്തുമ്പോള്‍ ഈ ബാക്ടീരിയകള്‍ വേഗത്തില്‍ പുനരുത്പാദിപ്പിക്കാന്‍ തുടങ്ങുന്നു.
ബാക്കി വരുന്ന ചോറ് നേരെ ഫ്രിഡ്ജില്‍ സൂക്ഷിച്ച ശേഷം രാവിലെ തിളപ്പിച്ചു കഴിക്കുന്ന ശീലം മിക്ക വീടുകളിലും സാധാരണമാണ്. ഭക്ഷണം വേസ്റ്റ് ആകാതിരിക്കാനും സമയലാഭത്തിനുമാണ് ഇങ്ങനെ ചെയ്യുന്നത്. എന്നാല്‍, സൂക്ഷിച്ചില്ലെങ്കില്‍ ആരോഗ്യത്തിന് പണി കിട്ടാനുള്ള സാധ്യതയുണ്ട്. വേവിക്കാത്ത അരിയില്‍ ബാസിലസ് സെറിയസ് എന്ന ബാക്ടീരിയയുടെ ബീജങ്ങള്‍ ഉണ്ടാവാം. ഇത് ചൂടിനെതിരെ പ്രതിരോധശേഷിയുള്ളവയാണ്. ഇത് അരി വേവിക്കുന്ന സമയത്ത് പൂര്‍ണമായും നശിച്ചുപോകുന്നില്ല.
അരി വേവിച്ച ശേഷം പുറത്തെടുത്തുവച്ച്, 40 മുതല്‍ 140 ഡിഗ്രി ഫാരന്‍ഹീറ്റ് വരെയുള്ള താപനിലയിലെത്തുമ്പോള്‍ ഈ ബാക്ടീരിയകള്‍ വേഗത്തില്‍ പുനരുത്പാദിപ്പിക്കാന്‍ തുടങ്ങുന്നു. ഈ ബാക്ടീരിയ ഭക്ഷ്യവിഷബാധ ഉണ്ടാക്കുന്നതാണ്. ചോറ് മണിക്കൂറുകളോളം പുറത്ത് ഇരിക്കുമ്പോഴാണ് ഭക്ഷ്യവിഷബാധയ്ക്കുള്ള അപകടസാധ്യത കൂടുന്നത്. സാധാരണ താപനിലയില്‍ ഏതാനും മണിക്കൂറുകള്‍ ഇരുന്നു ഫ്രിജില്‍ വച്ച ശേഷം, കുറച്ച് ദിവസങ്ങള്‍ക്ക് ശേഷം കഴിക്കുന്നവര്‍ക്കാണ് കൂടുതല്‍ പ്രശ്‌നം ഉണ്ടാവുക.
What's Your Reaction?
