ഐ.എസ്‌.ഐക്ക് വേണ്ടി ചാരവൃത്തി നടത്തിയതിന് യൂട്യൂബർ അറസ്റ്റിൽ

ചണ്ഡീഗഢ്: ഹരിയാനയിലും പഞ്ചാബിലുമായി ചാരവൃത്തി പിടികൂടാനായി പോലീസ് വല വ്യാപിപ്പിച്ചതോടെ രണ്ടാഴ്ചയ്ക്കുള്ളിൽ 10 പേർ അറസ്റ്റുകളിലേക്ക്. ഇതിൽ ഏറ്റവും പുതിയത് പാകിസ്ഥാന്റെ ഇന്റർ-സർവീസസ് ഇന്റലിജൻസിന് (ഐ.എസ്‌.ഐ) വേണ്ടി ചാരവൃത്തി നടത്തിയെന്നാരോപിച്ച് അറസ്റ്റിലായ ഹിസാർ ആസ്ഥാനമായുള്ള യൂട്യൂബർ ജ്യോതി മൽഹോത്രയാണ്.

ട്രാവൽ വിത്ത് ജോ എന്ന യൂട്യൂബ് ചാനൽ നടത്തുന്ന ജ്യോതി മൽഹോത്രയെ ഹിസാറിലെ ന്യൂ അഗർവാൾ എക്സ്റ്റൻഷൻ ഏരിയയിൽ നിന്നാണ് അറസ്റ്റ് ചെയ്തതെന്ന് വൃത്തങ്ങൾ അറിയിച്ചു. യൂട്യൂബിൽ 3.77 ലക്ഷം സബ്സ്ക്രൈബേർസും  ഇൻസ്റ്റാഗ്രാമിൽ 1.32 ലക്ഷം ഫോളോവേഴ്‌സും അവർക്കുണ്ട്, ഈ വർഷം മാർച്ചിൽ പാകിസ്ഥാൻ യാത്രയെക്കുറിച്ചുള്ള വീഡിയോകളും അവർ പോസ്റ്റ് ചെയ്തിട്ടുണ്ട്.

ഹിസാർ പോലീസ് എഫ്‌.ഐ.ആർ രജിസ്റ്റർ ചെയ്ത് ഒരു പ്രാദേശിക കോടതിയിൽ ഹാജരാക്കി, അഞ്ച് ദിവസത്തെ പോലീസ് കസ്റ്റഡിയിൽ വിട്ടു. സിവിൽ ലൈൻസ് പോലീസ് സ്റ്റേഷനിലെ സബ് ഇൻസ്പെക്ടർ ബിജേന്ദർ സിങ്ങിന്റെ പരാതിയിൽ ഔദ്യോഗിക രഹസ്യ നിയമത്തിലെ സെക്ഷൻ 3, 5, ഭാരതീയ ന്യായ സംഹിത (ബി.എൻ.എസ്) സെക്ഷൻ 152 എന്നിവ പ്രകാരം ജ്യോതിക്കെതിരെ കേസെടുത്തു.