മംദാനിക്ക് ഭീഷണിയുമായി ട്രംപ്
ഫോക്സ് ന്യൂസിന്റെ ബ്രെത് ബെയറിന് നല്കിയ അഭിമുഖത്തിലായിരുന്നു ട്രംപിന്റെ പ്രതികരണം
വാഷിംഗ്ടൺ: ന്യൂയോർക്കിന്റെ മേയറായ സൊഹ്റാൻ മംദാനിക്ക് ഭീഷണിയുമായി അമേരിക്കൻ പ്രസിഡന്റ് ഡൊണാൾഡ് ട്രംപ്. വാഷിംഗ്ടണിനോട് ബഹുമാനം പുലർത്തിയാൽ മാത്രമാകും ന്യൂയോർക്ക് നഗരത്തിന് വിജയകരമായ രീതിയിൽ മുന്നോട്ട് പോകാൻ ആവശ്യമായ ധനസഹായം ഉണ്ടാവൂവെന്നാണ് ട്രംപിന്റെ ഭീഷണി.
മംദാനിയെ സഹായിക്കാന് താന് തയ്യാറാണെന്നും വാഷിംഗ്ടണുമായി സഹകരിച്ചില്ലെങ്കിൽ മംദാനിക്ക് ഏറെ നഷ്ടങ്ങളുണ്ടാവുമെന്നും ട്രംപ് പറഞ്ഞു. ഫോക്സ് ന്യൂസിന്റെ ബ്രെത് ബെയറിന് നല്കിയ അഭിമുഖത്തിലായിരുന്നു ട്രംപിന്റെ പ്രതികരണം.
ന്യൂയോർക്കുകാർ മംദാനിയെ തെരഞ്ഞെടുത്തതോടെ അമേരിക്കയ്ക്ക് പരമാധികാരം നഷ്ടമായെന്ന് ട്രംപ് നേരത്തെ പ്രതികരിച്ചിരുന്നു. ന്യൂയോര്ക്ക് മേയറായി ചരിത്ര വിജയം കുറിച്ചതിന് പിന്നാലെ നടത്തിയ പ്രസംഗത്തില് മംദാനി ട്രംപിനെ വിമര്ശിച്ചിരുന്നു. ഇതിനു പിന്നാലെയാണ് വിമർശനവുമായി ട്രംപ് രംഗത്തെത്തിയത്.
What's Your Reaction?
