ഇന്ന് പവന് 2440 രൂപയുടെ വര്‍ധനവ്; ഒരു ലക്ഷത്തിലേക്ക് അടുത്ത് സ്വർണ്ണ വില
ഇന്നലെ ഒരു പവന് സ്വര്‍ണത്തിന് 94,920 രൂപയായിരുന്നു
തിരുവനന്തപുരം: സ്വര്‍ണ വിലയില്‍ ഇന്ന് വന്‍ വര്‍ധന. ചരിത്രത്തിലെ ഏറ്റവും ഉയർന്ന നിരക്കിലാണ് സ്വർണം. ഇന്ന് ഒരു പവന് സ്വര്‍ണത്തിന് 97,360 രൂപയാണ് വില. പവന് 2,440 രൂപയാണ് വര്‍ധിച്ചത്. ഗ്രാമിന് 355 രൂപ കൂടി 12170 രൂപയായി. 18 കാരറ്റ് സ്വര്‍ണത്തിന് 9,958 രൂപയാണ് വില.
ഇന്നലെ ഒരു പവന് സ്വര്‍ണത്തിന് 94,920 രൂപയായിരുന്നു. ഈ മാസം 17 ദിവസത്തിൽ ഒരു പവന് കൂടിയത് 10360 രൂപയാണ്. സ്വര്‍ണവിലയിലുണ്ടാകുന്ന ഉയര്‍ച്ച അനുസരിച്ച് സ്വര്‍ണത്തിന്റെ ആവശ്യകതയില്‍ ഇടിവ് ഉണ്ടായിട്ടില്ലെന്നതും എടുത്ത് പറയേണ്ടതാണ്.
റെക്കോര്‍ഡ് കുതിപ്പാണ് സ്വര്‍ണത്തിന് കഴിഞ്ഞ കുറച്ച് ആഴ്ചകളിലായി ഉണ്ടായി കൊണ്ടിരിക്കുന്നത്. രാജ്യാന്തര വിലയുടെ ചുവടുപിടിച്ചാണ് കേരളത്തിൽ സ്വർണവിലയുടെ കുതിച്ചുകയറ്റം. സ്വര്‍ണത്തിന്റെ രാജ്യാന്തര വില, ഡോളര്‍ – രൂപ വിനിമയ നിരക്ക്, ഇറക്കുമതി തീരുവ എന്നിവ അടിസ്ഥാനമാക്കിയാണ് സംസ്ഥാനത്ത് സ്വര്‍ണ വിലയില്‍ മാറ്റങ്ങള്‍ സംഭവിക്കുന്നത്.
What's Your Reaction?
