പ്രശസ്ത ചലച്ചിത്ര സംഘട്ടന സംവിധായകന്‍ മലേഷ്യ ഭാസ്‌കർ അന്തരിച്ചു

ചെന്നൈ: പ്രശസ്ത ചലച്ചിത്ര സംഘട്ടന സംവിധായകനും നിർമാതാവുമായ മലേഷ്യ ഭാസ്‌കർ അന്തരിച്ചു. ഹൃദയാഘാതത്തെ തുടർന്നായിരുന്നു അദ്ദേഹത്തിൻ്റെ അന്ത്യം. തെന്നിന്ത്യൻ സിനിമാ രംഗത്ത് മുന്‍പ് സജീവ സാന്നിധ്യമായിരുന്നു അദ്ദേഹം.

മലയാളം, തമിഴ്, തെലുങ്ക്, കന്നഡ എന്നീ ഭാഷാ ചിത്രങ്ങളിൽ അദ്ദേഹം ശ്രദ്ധേയമായ സംഭാവനകൾ നൽകിയിട്ടുണ്ട്. മലയാള സിനിമയിൽ ഫാസിൽ, സിദ്ദീഖ്, സിബി മലയിൽ തുടങ്ങിയ പ്രഗത്ഭരായ സംവിധായകരുടെ നിരവധി ചിത്രങ്ങൾക്കായി അദ്ദേഹം ആക്ഷൻ രംഗങ്ങൾ ഒരുക്കി.

മലേഷ്യ ഭാസ്‌കർ സംഘട്ടനം ഒരുക്കിയ പ്രധാന മലയാള സിനിമകളിൽ 'മൈ ഡിയർ കരടി', 'കയ്യെത്തും ദൂരത്ത്', 'ബോഡിഗാർഡ്' എന്നിവ ഉൾപ്പെടുന്നു. അദ്ദേഹത്തിൻ്റെ വേർപാടിൽ ചലച്ചിത്ര ലോകം അനുശോചനം രേഖപ്പെടുത്തി.