ശബരിമല സ്വർണക്കൊള്ള; എസ്ഐടിക്ക് മൊഴി നൽകാൻ രമേശ് ചെന്നിത്തല
തനിക്ക് വിവരം നൽകിയ ആളെയും ചോദ്യം ചെയ്യട്ടെ എന്നും രമേശ് ചെന്നിത്തല
തിരുവനന്തപുരം: ശബരിമല സ്വർണക്കൊള്ളയുമായി ബന്ധപ്പെട്ട വെളിപ്പെടുത്തലിൽ മുൻ പ്രതിപക്ഷ നേതാവ് രമേശ് ചെന്നിത്തല എസ്ഐടി സംഘത്തിന് മൊഴി നൽകും. അന്താരാഷ്ട്ര കള്ളക്കടത്ത് സംഘവുമായി ശബരിമല സ്വർണക്കൊള്ളയ്ക്ക് ബന്ധമുണ്ടെന്ന ചെന്നിത്തലയുടെ വെളിപ്പെടുത്തലിന്റെ അടിസ്ഥാനത്തിലാണ് മൊഴിയെടുപ്പ്.
സ്വര്ണക്കൊളള സംബന്ധിച്ച് സുപ്രധാന വിവരങ്ങള് നല്കിയത് തനിക്ക് അറിയാവുന്ന ഒരു വ്യവസായി ആണെന്നും ലഭിച്ച വിവരങ്ങള് എസ്ഐടിക്ക് മുന്നില് മൊഴി നല്കുമെന്നും രമേശ് ചെന്നിത്തല പറഞ്ഞു. എസ്ഐടിയോട് ഇന്ന് ഈ കാര്യങ്ങളെല്ലാം ഞാന് പറയും.
അത് കഴിഞ്ഞ് തനിക്ക് വിവരം നൽകിയ ആളെയും ചോദ്യം ചെയ്യട്ടെ എന്നും രമേശ് ചെന്നിത്തല പറഞ്ഞു. എനിക്കൊരു വിവരം കിട്ടിയപ്പോള് അറിയിക്കേണ്ടത് പൊതുപ്രവര്ത്തകന് എന്ന നിലയില് ഉത്തരവാദിത്തമായി കരുതുന്നു.
'ശബരിമലയില് നിന്ന് മോഷ്ടിച്ച സ്വര്ണം അന്താരാഷ്ട്ര മാര്ക്കറ്റില് അമൂല്യ വസ്തുവായി വിറ്റുവെന്നാണ് വ്യവസായി പറഞ്ഞത്. വിഷയവുമായി ബന്ധപ്പെട്ട മൊഴി നൽകാൻ തയ്യാറാണെന്ന് ചെന്നിത്തലയാണ് എസ്ഐടിയെ അറിയിച്ചത്. ഇഞ്ചക്കലിലെ ക്രൈബ്രാഞ്ച് ആസ്ഥാനത്തെത്തിയാണ് മൊഴി നൽകുക.
What's Your Reaction?
