വീണ്ടും റെക്കോർഡിട്ട് സ്വർണവില

തിരുവനന്തപുരം: ഇന്നും റെക്കോർഡിട്ട് സ്വർണവില.  ഇന്ന് 280 രൂപയാണ് ഒരു പവൻ സ്വർണ്ണത്തിനു  ഉയർന്നത്. ഇതോടെ ഒരു പവൻ സ്വർണ്ണത്തിന്റെ ഇന്നത്തെ വില  63,840 രൂപയാണ്. 70,000 രൂപയോളം നൽകിയാൽ മാത്രമേ സ്വർണ്ണാഭരണം പണിക്കൂലിയും ജി എസ് ടിയും ഒക്കെ കഴിഞ്ഞ് വാങ്ങാൻ സാധിക്കു.

ഗ്രാമിന് 35 രൂപയാണ് വർധിച്ചത്. ഇതോടെ ഒരു ഗ്രാം സ്വർണത്തിന് 7980 രൂപ‍യായി. അതെ സമയം വെള്ളിയുടെവിലയിൽ ഇന്ന് മാറ്റമില്ല. ഒരു ഗ്രാം സാധാരണ വെള്ളിയുടെ വില 106 രൂപയാണ്. ഒരു ഗ്രാം 22 കാരറ്റ് സ്വർണത്തിന്റെ വിപണി വില 7980 രൂപയും ഒരു ഗ്രാം 18 കാരറ്റ് സ്വർണത്തിന്റെ വിപണി വില 6585 രൂപയാണ്.