റിയാദ് ജയിലില്‍ കഴിയുന്ന അബ്ദുല്‍ റഹീമിന്റെ മോചന കേസ് വീണ്ടും മാറ്റിവച്ചു
പത്താം തവണയാണ് റിയാദ് കോടതി കേസ് മാറ്റുന്നത്
റിയാദ്: റിയാദിലെ ജയിലിൽ കഴിയുന്ന കോഴിക്കോട് സ്വദേശി അബ്ദുൾ റഹീമിന്റെ മോചനകാര്യത്തിൽ ചൊവ്വാഴ്ച ചേർന്ന കോടതി സിറ്റിങ്ങിലും തീരുമാനമുണ്ടായില്ല. സൗദിയിൽ ബാലൻ കൊല്ലപ്പെട്ട കേസിൽ 18 വർഷമായി ജയിലിൽ കഴിയുകയാണ് റഹീം.
കേസ് വീണ്ടും മാറ്റിവെച്ചു. പത്താം തവണയാണ് റിയാദ് കോടതി കേസ് മാറ്റുന്നത്. കേസ് സംബന്ധിച്ച കൂടുതല്‍ വിവരങ്ങള്‍ രേഖാ മൂലം സമര്‍പ്പിക്കാന്‍ ആവശ്യപ്പെട്ടാണ് കേസ് മാറ്റിവെച്ചത്. റിയാദ് കോടതി കേസ് വീണ്ടും മാറ്റിയതായി നിയമ സഹായ സമിതിക്ക് വിവരം ലഭിച്ചതായാണ് റിപ്പോർട്ട്. പുതിയ തിയതി തീരുമാനിച്ചിട്ടില്ല.
ഒന്നര കോടി സൗദി റിയാൽ (34 കോടിയിലേറെ ഇന്ത്യൻ രൂപ) ദിയാധനം നൽകുകയും കോടതി വധശിക്ഷ ഒഴിവാക്കുകയും ചെയ്തിരുന്നു. എന്നാൽ പബ്ലിക് റൈറ്റ് പ്രകാരമുള്ള കേസിൽ തീർപ്പുണ്ടാവാത്തതിനാൽ മോചന കാര്യത്തിൽ അനിശ്ചിതത്വം തുടരുകയാണ്.
What's Your Reaction?
