വിമാനത്താവളത്തിൽ വിമാനങ്ങൾ തമ്മിൽ കൂട്ടിയിടിച്ചു; പിന്നാലെ ചിറക് വേര്‍പ്പെട്ടു

ന്യൂയോർക്ക്: ന്യൂയോർക്കിലെ ലാഗ്വാർഡിയ വിമാനത്താവളത്തിൽ ഡെൽറ്റ വിമാനക്കമ്പനിയുടെ രണ്ട് വിമാനങ്ങൾ തമ്മിൽ കൂട്ടിയിടിച്ച് അപകടം. സംഭവത്തിൽ ഒരാൾക്ക് പരിക്കേറ്റതായി അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു. അപകടത്തിൻ്റെ ദൃശ്യങ്ങൾ പുറത്തുവന്നിട്ടുണ്ട്. പ്രാദേശിക സമയം രാത്രി 9:56 ഓടെയായിരുന്നു സംഭവം.

ലാൻഡ് ചെയ്ത ഒരു വിമാനം ഗേറ്റിൽ പാർക്ക് ചെയ്യുന്നതിനിടെയാണ് അപകടം നടന്നതെന്നാണ് പ്രാഥമിക വിവരം. ഗേറ്റിലേക്ക് പോകുകയായിരുന്ന വിമാനത്തിലേക്ക് മറ്റൊരു വിമാനം ഇടിച്ചുകയറുകയായിരുന്നു.
കൂട്ടിയിടിയെ തുടർന്ന് വിമാനത്തിന്റെ ചിറകിന് (Wing) കേടുപാടുകൾ സംഭവിക്കുകയും അത് വേർപെടുകയും ചെയ്തു. കൂടുതൽ വിവരങ്ങൾ അധികൃതർ അന്വേഷിച്ചു വരികയാണ്.