റെയിൽവേ വൈദ്യുതി ലൈനിനു മുകളിലേക്ക് മരം വീണു; ട്രെയിൻ ഗതാഗതം തടസപ്പെ‌‌‌‌ട്ടു
കോട്ടയം വഴിയുള്ള മറ്റ് ട്രെയിനുകളും വൈകിയാണ് ഓടിക്കൊണ്ടിരിക്കുന്നത്
ചെങ്ങന്നൂർ: ചെങ്ങന്നൂരിനും മാവേലിക്കരയ്ക്കും ഇടയിൽ റെയിൽവേ വൈദ്യുതി ലൈനിനു മുകളിലേക്ക് മരം വീണു ട്രെയിൻ ഗതാഗതം തടസ്സപ്പെ‌‌‌‌ട്ടു. മഠത്തുംപടി ലെവൽ ക്രോസിനു സമീപം വൈകി‌ട്ട് 6. 40നാണ് സംഭവം. നാഗർകോവിൽ - കോട്ടയം ട്രെയിൻ, ഗരീബ് രഥ്, തിരുവനന്തപുരം - ചെന്നൈ സൂപ്പർഫാസ്റ്റ്, മാംഗളൂരു സമ്മർ സ്പെഷൽ ട്രെയിൻ എന്നിവ പിടിച്ചിട്ടു. കോട്ടയം വഴിയുള്ള മറ്റ് ട്രെയിനുകളും വൈകിയാണ് ഓടിക്കൊണ്ടിരിക്കുന്നത്. ഒന്‍പത് മണിയോടെ തടസങ്ങൾ നീക്കി ട്രെയിൻ ഗതാഗതം പുനഃസ്ഥാപിച്ചു.
What's Your Reaction?
