ടാറ്റ സിയറ തിരിച്ചെത്തുന്നു; അഞ്ച് കളർ ഓപ്ഷനുകൾ പുറത്തുവിട്ടു

ന്യൂഡൽഹി: ടാറ്റ മോട്ടോഴ്‌സിൻ്റെ ഐക്കണിക് എസ്.യു.വി.യായ ടാറ്റ സിയറ ഇന്ത്യൻ വിപണിയിൽ തിരിച്ചെത്താൻ ഇനി ദിവസങ്ങൾ മാത്രം. നവംബർ 25-ന് വാഹനത്തിൻ്റെ വിലകൾ പ്രഖ്യാപിക്കുമെന്ന് കമ്പനി അറിയിച്ചു. ഇതിന് മുന്നോടിയായി പുതിയ ടാറ്റ സിയറയുടെ കളർ ഓപ്ഷനുകൾ കമ്പനി വെളിപ്പെടുത്തിയിരിക്കുകയാണ്.

പുതിയ ടാറ്റ സിയറ ആകെ അഞ്ച് എക്സ്റ്റീരിയർ പെയിന്റ് ഓപ്ഷനുകളിൽ ലഭ്യമാകും. ഇതിൽ ആൻഡമാൻ അഡ്വഞ്ചർ യെല്ലോ (Andaman Adventure Yellow) നിറമാണ് കമ്പനി ഹീറോ കളറായി പ്രഖ്യാപിച്ചിരിക്കുന്നത്. ഈ നിറം എസ്.യു.വിക്ക് ഒരു പരുക്കൻ ഓഫ്-റോഡർ ലുക്ക് നൽകുന്നു.

ലഭ്യമായ മറ്റ് നിറങ്ങൾ: ബംഗാൾ റോഗ്, കൂർഗ് ക്ലൗഡ്‌സ്, മൂന്നാർ മിസ്റ്റ്, മിൻ്റൽ ഗ്രേ, പ്രിസ്‌റ്റീൻ വൈറ്റ്. ഈ നിറങ്ങളെല്ലാം ഇന്ത്യൻ കാലാവസ്ഥയ്ക്കും റോഡ് സാഹചര്യങ്ങൾക്കും എസ്.യു.വി.യുടെ വ്യക്തിത്വത്തിനും അനുയോജ്യമായ രീതിയിൽ പ്രത്യേകം രൂപകൽപ്പന ചെയ്തവയാണ്.