ടിക് ടോക് ഇന്ത്യയില് തിരിച്ചെത്തുന്നു; വ്യക്തത വരുത്തി കേന്ദ്രം
ഇത്തരം വാര്ത്തകള് തെറ്റിദ്ധരിപ്പിക്കുന്നതാണെന്ന് കേന്ദ്രം
ഡല്ഹി: ചൈനീസ് ആപ്പായ ടിക് ടോക് ഇന്ത്യയിൽ തിരിച്ചുവരുന്നുവെന്ന വാര്ത്തയിൽ പ്രതികരിച്ച് കേന്ദ്രം. ടിക് ടോക് നിരോധനം നീക്കിയിട്ടില്ലെന്ന് കേന്ദ്ര സർക്കാർ അറിയിച്ചു. ടിക് ടോക്, ഓണ്ലൈന് ഷോപ്പിങ് പ്ലാറ്റ്ഫോമായ എയര്എക്സ്പ്രസ്, ഇ-കൊമേഴ്സ് പ്ലാറ്റ്ഫോമായ ഷെയ്ന് എന്നിവ തിരിച്ചുവരുന്നുവെന്നാണ് കഴിഞ്ഞ ദിവസം വാർത്തകൾ വന്നത്.
എന്നാൽ ഈ വാർത്തകൾ തെറ്റാണെന്ന് കേന്ദ്ര സർക്കാർ വ്യക്തമാക്കി. പ്രചരിക്കുന്നത് തെറ്റായ വാർത്തയെന്നും കേന്ദ്ര വാർത്താവിനിമയ മന്ത്രാലയം അറിയിച്ചു. ടിക് ടോകിന്റെ നിരോധനം റദ്ദാക്കുന്ന ഉത്തരവ് കേന്ദ്ര സര്ക്കാര് പുറപ്പെടുവിച്ചിട്ടില്ല. ഇത്തരം വാര്ത്തകള് തെറ്റിദ്ധരിപ്പിക്കുന്നതാണെന്ന് കേന്ദ്രം പറഞ്ഞു.
ടിക് ടോക്കിന്റെ വെബ്സൈറ്റ് ആക്സസ് ചെയ്യാൻ കഴിയുമെന്ന് നിരവധി ഉപയോക്താക്കൾ റിപ്പോർട്ട് ചെയ്തതിനെത്തുടർന്നാണ് ടിക് ടോക്ക് ഇന്ത്യയിൽ പ്രവർത്തനം ആരംഭിക്കുന്നുവെന്ന തരത്തിൽ അഭ്യൂഹങ്ങൾ പ്രചരിച്ചത്. 2020ല് സുരക്ഷാ കാരണങ്ങള് ഉന്നയിച്ചാണ് കേന്ദ്രസര്ക്കാര് ടിക് ടോക് ഇന്ത്യയില് നിരോധിച്ചത്.
What's Your Reaction?
