പാകിസ്ഥാനിലെ സൈനിക കന്‍റോൺമെന്‍റിന് സമീപത്ത് പാരാമിലിട്ടറി ഹെഡ്ക്വാട്ടേഴ്സിൽ ചാവേർ ആക്രമണം

പെഷവാർ: വടക്ക് പടിഞ്ഞാറൻ പാകിസ്ഥാനിലെ പെഷവാറിൽ സ്ഥിതി ചെയ്യുന്ന പാരാമിലിട്ടറി ഹെഡ്ക്വാർട്ടേഴ്സിന് നേരെ തിങ്കളാഴ്ച തോക്കുധാരിയുടെ ആക്രമണം. ഈ ആക്രമണത്തിനു പിന്നാലെ രണ്ട് ചാവേറുകൾ ഹെഡ്ക്വാർട്ടേഴ്സ് കോംപ്ലക്സിൽ സ്ഫോടനങ്ങൾ നടത്തി.

റോയിട്ടേഴ്സ് റിപ്പോർട്ട് ചെയ്യുന്നതനുസരിച്ച്, ഈ ആക്രമണത്തിൽ മൂന്ന് പേർ കൊല്ലപ്പെട്ടു. ആദ്യ ചാവേർ ഹെഡ്ക്വാർട്ടേഴ്സ് കവാടത്തിലും രണ്ടാമത്തെ ചാവേർ കോമ്പൗണ്ടിനുള്ളിലും സ്ഫോടനം നടത്തിയെന്നാണ് റിപ്പോർട്ടുകൾ സൂചിപ്പിക്കുന്നത്.

ഹെഡ്ക്വാർട്ടേഴ്സിനുള്ളിൽ ഇപ്പോഴും ഭീകരവാദികൾ ഒളിച്ചിരിക്കുന്നുണ്ടെന്നാണ് സംശയിക്കുന്നത്. ആക്രമണം നടന്ന പാരാമിലിട്ടറി ഹെഡ്ക്വാർട്ടേഴ്സ് സൈനിക കന്റോൺമെന്റിന് സമീപത്താണ് സ്ഥിതി ചെയ്യുന്നത്. നിരവധി സാധാരണക്കാർ താമസിക്കുന്ന മേഖലയാണിത്. സംഭവത്തെ തുടർന്ന് പോലീസും സൈന്യവും മേഖലയിൽ എത്തിയിട്ടുണ്ട്. പ്രദേശത്തേക്കുള്ള റോഡുകൾ അടച്ചിട്ട് ഗതാഗതം നിയന്ത്രിച്ചിരിക്കുകയാണ്.