സ്വര്ണവിലയില് വീണ്ടും നേരിയ കുറവ്; ഇന്നത്തെ നിരക്ക് അറിയാം
ഇന്നും ശനിയാഴ്ചത്തേതിന് സമാനമായി 80 രൂപ തന്നെയാണ് കുറഞ്ഞത്

കൊച്ചി: സംസ്ഥാനത്ത് റെക്കോര്ഡുകള് ഭേദിച്ച് കുതിക്കുന്ന സ്വര്ണവിലയില് വീണ്ടും നേരിയ കുറവ് രേഖപ്പെടുത്തി. വെള്ളിയാഴ്ച 81,600 രൂപയായി ഉയര്ന്ന് ചരിത്രത്തിലെ ഏറ്റവും ഉയര്ന്ന നിലയില് എത്തിയ സ്വര്ണവില ശനിയാഴ്ച 80 രൂപ കുറഞ്ഞിരുന്നു. ഇന്നും ശനിയാഴ്ചത്തേതിന് സമാനമായി 80 രൂപ തന്നെയാണ് കുറഞ്ഞത്. 81,440 രൂപയാണ് ഒരു പവന് സ്വര്ണത്തിന്റെ വില.
ഇന്ന് രാവിലെ വിലയില് മാറ്റം ഉണ്ടായിരുന്നില്ല. ഉച്ചയോടെയാണ് വില കുറഞ്ഞത്. ഗ്രാമിന് പത്തുരൂപ കുറഞ്ഞ് 10,180 രൂപയായി. ഈ മാസാദ്യം 77,640 രൂപയായിരുന്നു സ്വര്ണവില. ഈ മാസത്തെ ഏറ്റവും കുറഞ്ഞ വിലയും ഇതായിരുന്നു. പിന്നീട്, ഓരോ ദിവസവും വില കൂടുകയായിരുന്നു. രാജ്യാന്തര വിപണിയിലെ സ്വര്ണ വിലയുടെ വര്ധനയാണ് വിലയില് പ്രതിഫലിച്ചത്.
ഇന്ത്യയില് നിന്ന് ഇറക്കുമതി ചെയ്യുന്ന ഉത്പന്നങ്ങള്ക്ക് അമേരിക്ക 50 ശതമാനം തീരുവ ചുമത്തിയത് അടക്കമുള്ള ഘടകങ്ങളും സ്വര്ണവിലയെ സ്വാധീനിക്കുന്നുണ്ട്.
What's Your Reaction?






