എറണാകുളത്ത് ഹിന്ദുസ്ഥാൻ ഓർഗാനിക് കെമിക്കൽസില്‍ തീപിടിത്തം; 45 ഓളം കുടുംബങ്ങളെ ഒഴിപ്പിച്ചു

കൊച്ചി: കൊച്ചി അമ്പലമുകള്‍ റിഫൈനറിയിൽ തീപിടിത്തം. അമ്പലമുകൾ ഹിന്ദുസ്ഥാൻ ഓർഗാനിക് കെമിക്കൽസിലാണ് തീ പിടിത്തമുണ്ടായത്. കെഎസ്ഇബിയുടെ ഹൈടെൻഷൻ ലൈനിൽനിന്ന് തീ പടർന്നെന്നാണ് വിവരം. പ്രദേശമാകെ പുക പടർന്നിട്ടുണ്ട്. ഇതേതുടർന്ന്, അയ്യങ്കുഴി ഭാഗത്തുനിന്ന് 45 ഓളം കുടുംബങ്ങളെ ഒഴിപ്പിച്ചു. അഗ്നിരക്ഷാസേനയും പോലീസും ആരോഗ്യപ്രവർത്തകരും സ്ഥലത്തെത്തിയിട്ടുണ്ട്.

അമ്പലമുകൾ ഹിന്ദുസ്ഥാൻ ഓർഗാനിക് കെമിക്കൽസിലാണ് തീപിടിത്തമുണ്ടായത്. വലിയ പൊട്ടിത്തെറി കേട്ടതായി നാട്ടുകാർ പറഞ്ഞു. അയ്യങ്കുഴിയിൽ പുക ശ്വസിച്ച് കുഴഞ്ഞുവീണ പ്രദേശവാസികളെ ആശുപത്രിയിലേക്കു മാറ്റിയിട്ടുണ്ട്.