പിറന്നാളിന് വിതരണം ചെയ്ത മിഠായിയില്‍ നിന്ന് ഭക്ഷ്യവിഷബാധ: വയനാട് 16 കുട്ടികള്‍ ആശുപത്രിയില്‍
ഒരു കുട്ടിയുടെ പിറന്നാള്‍ ആഘോഷത്തോട് അനുബന്ധിച്ച് 50 ഓളം മിഠായികള്‍ അടുത്ത ബേക്കറിയില്‍ നിന്ന് വാങ്ങി നല്‍കിയിരുന്നു
വയനാട്: വയനാട് മേപ്പാടിയില്‍ മിഠായി കഴിച്ച 16 കുട്ടികള്‍ക്ക് ദേഹാസ്വസ്ഥ്യം. വയറുവേദന അനുഭവപ്പെട്ട കുട്ടികളെ അടുത്തുള്ള ആശുപത്രിയില്‍ പ്രവേശിപ്പിച്ചിരിക്കുകയാണ്. ബേക്കറിയില്‍ ആരോഗ്യവിഭാഗം പരിശോധന നടത്തുകയാണ്.
മേപ്പാടി മദ്രസയിലെ കുട്ടികള്‍ക്കാണ് വയറുവേദന അനുഭവപ്പെട്ടത്. ഒരു കുട്ടിയുടെ പിറന്നാള്‍ ആഘോഷത്തോട് അനുബന്ധിച്ച് 50 ഓളം മിഠായികള്‍ അടുത്ത ബേക്കറിയില്‍ നിന്ന് വാങ്ങി നല്‍കിയിരുന്നു. ഇതിന് ശേഷമാണ് കുട്ടികള്‍ക്ക് വയറുവേദന അനുഭവപ്പെട്ടത്. ഇവര്‍ക്ക് മറ്റ് ആരോഗ്യ പ്രശ്നങ്ങളില്ലെന്നാണ് വിവരം.
What's Your Reaction?
