റഷ്യയുമായുള്ള യുദ്ധം അവസാനിച്ചാൽ യുക്രൈന്‍റെ പ്രസിഡന്റ് സ്ഥാനമൊഴിയാൻ തയ്യാർ; സെലൻസ്കി
നിലവിൽ തന്റെ ലക്ഷ‍്യം യുദ്ധം അവസാനിപ്പിക്കുകയാണ്
കീവ്: റഷ്യയുമായുള്ള യുദ്ധം അവസാനിച്ചാൽ പ്രസിഡന്റ് സ്ഥാനം ഒഴിയാനും തയ്യാറാണെന്ന് പ്രഖ്യാപിച്ച് യുക്രൈൻ പ്രസിഡന്റ് വോളോഡിമിർ സെലൻസ്കി രംഗത്ത്. വെടിനിര്‍ത്തല്‍ നിലവില്‍ വന്നാല്‍ തിരഞ്ഞെടുപ്പ് നടത്താന്‍ യുക്രൈന്‍ പാര്‍ലമെന്റിനോട് ആവശ്യപ്പെടുമെന്ന് സെലെന്‍സ്‌കി പറഞ്ഞു.
ഒരു ചാനല്‍ പരിപാടിയില്‍ സംസാരിക്കവെയാണ് ഇക്കാര്യം വ്യക്തമാക്കിയത്. നിലവിൽ തന്റെ ലക്ഷ‍്യം യുദ്ധം അവസാനിപ്പിക്കുകയെന്നതാണെന്നും പ്രസിഡന്റ് സ്ഥാനം ഒഴിയാൻ താൻ തയാറാണെന്നും അദ്ദേഹം വ‍്യക്തമാക്കി.
യുദ്ധം അവസാനിച്ചുകഴിഞ്ഞാല്‍ തന്റെ ജോലി പൂര്‍ത്തിയായതായി കണക്കാക്കുമോ എന്ന ചോദ്യത്തിന്, താന്‍ സ്ഥാനമൊഴിയാന്‍ ‘തയ്യാറാണ്’ എന്ന് സെലെന്‍സ്‌കി മറുപടി നല്‍കി. 201 -ൽ തെരഞ്ഞെടുക്കപ്പെട്ട സെലൻസ്കി, 2022 ഫെബ്രുവരിയിൽ റഷ്യയുമായുള്ള യുദ്ധം തുടങ്ങിയതോടെ സൈനിക നിയമം പ്രഖ്യാപിച്ചിരുന്നു.
What's Your Reaction?
