ട്രാൻസ് വുമൺ അരുണിമയ്ക്ക് മത്സരിക്കാം; നാമനിർദേശ പത്രിക സ്വീകരിച്ചു
വോട്ടർ ഐഡി ഉൾപ്പടെയുള്ള അരുണിമയുടെ രേഖകളിൽ സ്ത്രീ എന്നാണ് രേഖപ്പെടുത്തിയത്
ആലപ്പുഴ: ട്രാന്സ് വുമണ് അരുണിമയ്ക്ക് തദ്ദേശ തെരഞ്ഞെടുപ്പില് വനിത സംവരണ സീറ്റില് മത്സരിക്കാം. ആലപ്പുഴ ജില്ലാ പഞ്ചായത്ത് വയലാര് ഡിവിഷനിലേക്ക് യുഡിഎഫ് സ്ഥാനാര്ത്ഥിയായിട്ടാണ് അരുണിമ മത്സരിക്കുന്നത്.
സൂക്ഷ്മപരിശോധനയിൽ നാമനിർദേശ പത്രിക സ്വീകരിച്ചതോടെ ഇതുമായി ബന്ധപ്പെട്ടുണ്ടായിരുന്ന എല്ലാ ആശങ്കകളും അനിശ്ചിതത്വങ്ങളും നീങ്ങി. വയലാര് ജില്ലാ പഞ്ചായത്ത് ഡിവിഷനില് യുഡിഎഫ് സ്ഥാനാര്ത്ഥിയായാണ് അരുണിമ ജനവിധി തേടുക.
വോട്ടർ ഐഡി ഉൾപ്പടെയുള്ള അരുണിമയുടെ രേഖകളിൽ സ്ത്രീ എന്നാണ് രേഖപ്പെടുത്തിയത്. അതുകൊണ്ട് സ്ത്രീ സംവരണ സീറ്റിൽ മത്സരിക്കുന്നതിന് തടസമില്ല. പത്രിക സൂക്ഷ്മപരിശോധനയിൽ ആരും എതിർപ്പ് ഉന്നയിച്ചിരുന്നില്ല. നിലവില് ട്രാന്സ്ജെന്ഡര് കോണ്ഗ്രസ് സംസ്ഥാന രക്ഷാധികാരിയും കെഎസ്യു ജനറല് സെക്രട്ടറിയുമാണ് അരുണിമ എം കുറുപ്പ്.
What's Your Reaction?
