വെസ്റ്റ് ഇന്‍ഡീസിനെതിരായ ടെസ്റ്റ് പരമ്പര തൂത്തുവാരി ഇന്ത്യ
ഓപ്പണിങ് ബാറ്റർ കെ.എൽ. രാഹുൽ (58 നോട്ടൗട്ട്) അർധസെഞ്ചുറി നേടി
വെസ്റ്റ് ഇന്‍ഡീസിനെതിരായ ടെസ്റ്റ് പരമ്പര തൂത്തുവാരി ഇന്ത്യ. രണ്ടാം ക്രിക്കറ്റ് ടെസ്റ്റിൽ ഇന്ത്യയ്ക്ക് 7 വിക്കറ്റ് ജയം. രണ്ടാം ടെസ്റ്റിൽ ഫോളോ ഓൺന് വഴങ്ങിയ വിൻഡീസ് രണ്ടാം ഇന്നിങ്സിൽ ഉയർത്തിയ 121 റൺസ് വിജയലക്ഷ‍്യം ഇന്ത്യ 7 വിക്കറ്റ് ശേഷിക്കെ മറികടന്നു.
ഡല്‍ഹിയിലെ അരുണ്‍ ജെയ്റ്റ്‌ലി സ്റ്റേഡിയത്തില്‍ നടന്ന മത്സരത്തില്‍ ആണ് കരീബിയൻസിനെ തകർത്ത് പരമ്പര തൂത്തുവാരിയത്. ഓപ്പണിങ് ബാറ്റർ കെ.എൽ. രാഹുൽ (58 നോട്ടൗട്ട്) അർധസെഞ്ചുറി നേടി.സ്‌കോർ: ഇന്ത്യ 518-5 ഡിക്ല.,124-3 . വിൻഡീസ് 248, 390.
രാഹുലിനു പുറമെ സായ് സുദർശൻ (39) ഭേദപ്പെട്ട പ്രകടനം കാഴ്ചവച്ചു. സായ് സുദര്‍ശന്‍റെയും ക്യാപ്റ്റൻ ശുഭ്മാന്‍ ഗില്ലിന്‍റെയും വിക്കറ്റുകളാണ് ഇന്ത്യക്ക് അവസാന ദിനം നഷ്ടമായത്. ക്യാപ്റ്റനായശേഷം ശുഭ്മാന്‍ ഗില്ലിന്‍റെ നേതൃത്വത്തില്‍ ഇന്ത്യ നേടുന്ന ആദ്യ ടെസ്റ്റ് പരമ്പരയാണിത്.
What's Your Reaction?
