റെക്കോർഡ് ഭേദിച്ച് സ്വർണവില; സ്വര്‍ണവില പവന് 60,000 കടന്നു
ഇന്ന് പവന് 600 രൂപയാണ് ഒറ്റയടിക്ക് കൂടിയത്. ഒരു പവൻ സ്വർണത്തിന്റെ ഇന്നത്തെ വിപണി വില 60,200 രൂപയാണ്. ഒരു ഗ്രാം സ്വര്‍ണത്തിന് ഇന്ന് 7525 രൂപയും.
തിരുവനന്തപുരം: സംസ്ഥാനത്ത് സ്വർണ്ണ വിലയിൽ റെക്കോർഡ് വർദ്ധനവ്. ചരിത്രത്തിലാദ്യമായി ഒരു പവന് സ്വര്ണത്തിന്റെ വില 60,000 കടന്നു. ഇന്ന് പവന് 600 രൂപയാണ് ഒറ്റയടിക്ക് കൂടിയത്. ഒരു പവൻ സ്വർണത്തിന്റെ ഇന്നത്തെ വിപണി വില 60,200 രൂപയാണ്. ഒരു ഗ്രാം സ്വര്‍ണത്തിന് ഇന്ന് 7525 രൂപയും.
ഒരു ഗ്രാമിന് 75 രൂപയാണ് വർധിച്ചത്. ഈ മാസത്തിന്‍റെ തുടക്കത്തില്‍ 57,200 രൂപയായിരുന്നു ഒരു പവന് സ്വര്ണത്തിന്റെ വില. അതിനു ശേഷം ഓരോ ദിവസവും സ്വർണ്ണത്തിന്റെ വില കൂടിയും കുറഞ്ഞും ഇരുന്നു. പക്ഷെ ഈ മാസം അവസാനിക്കാറായപ്പോൾ വില കുത്തനെ ഉയരുകയാണ്.
അതേസമയം, വെള്ളിയുടെ വിലയിൽ മാറ്റമില്ല. ഒരു ഗ്രാം ഹാൾമാർക്ക് വെള്ളിയുടെ വില 99 രൂപയാണ്. ഒരു ഗ്രാം 22 കാരറ്റ് സ്വർണത്തിന്റെ വിപണി വില 7,525 രൂപയും ഒരു ഗ്രാം 18 കാരറ്റ് സ്വർണത്തിന്റെ വില 6205 രൂപയാണ്.
What's Your Reaction?
