ദീപികയും രണ്വീറും രണ്ടാമത്തെ കുഞ്ഞിനായുള്ള കാത്തിരിപ്പില്; സന്തോഷവാര്ത്ത പങ്കുവെച്ച് ദുവ
ആദ്യത്തെ കണ്മണിയായ ദുവ പ്രെഗ്നന്സി കിറ്റുമായി നില്ക്കുന്ന ഹൃദ്യമായ ചിത്രമാണ് താരങ്ങള് പങ്കുവെച്ചിരിക്കുന്നത്
മുംബൈ: ബോളിവുഡിന്റെ പ്രിയതാരങ്ങളായ ദീപിക പദുക്കോണും രണ്വീര് സിങ്ങും രണ്ടാമത്തെ കുഞ്ഞിനെ വരവേല്ക്കാനൊരുങ്ങുന്നു. ഇന്സ്റ്റഗ്രാമിലൂടെയാണ് താരദമ്പതിമാര് ഈ സന്തോഷവാര്ത്ത ആരാധകരുമായി പങ്കുവെച്ചത്.
ആദ്യത്തെ കണ്മണിയായ ദുവ പ്രെഗ്നന്സി കിറ്റുമായി നില്ക്കുന്ന ഹൃദ്യമായ ചിത്രമാണ് താരങ്ങള് പങ്കുവെച്ചിരിക്കുന്നത്. ദീപികയുടെയും രണ്വീറിന്റെയും കൈകള്ക്കൊപ്പം മകള് ദുവ പ്രെഗ്നന്സി കിറ്റ് പിടിച്ചുനില്ക്കുന്നതാണ് ചിത്രത്തിലുള്ളത്. പോസിറ്റീവ് റിസള്ട്ട് കാണിക്കുന്ന കിറ്റിലൂടെ താന് ഒരു ചേച്ചിയാകാന് പോകുന്നു എന്ന വാര്ത്തയാണ് ദുവ പങ്കുവെക്കുന്നത്.
പ്രിയങ്ക ചോപ്ര, സാമന്ത, അര്ജുന് കപൂര്, പരിനീതി ചോപ്ര, അനന്യ പാണ്ഡെ തുടങ്ങി ബോളിവുഡിലെയും തെന്നിന്ത്യയിലെയും പ്രമുഖ താരങ്ങള് ദമ്പതിമാര്ക്ക് ആശംസകളുമായി എത്തിക്കഴിഞ്ഞു. പോസ്റ്റ് പങ്കുവെച്ച് മിനിറ്റുകള്ക്കകം തന്നെ ഇത് സോഷ്യല് മീഡിയയില് വൈറലായി മാറി. ദുവയ്ക്കും താരദമ്പതിമാര്ക്കും അഭിനന്ദന പ്രവാഹമാണ് ലഭിച്ചുകൊണ്ടിരിക്കുന്നത്.
ഏറെ നാളത്തെ പ്രണയത്തിന് ശേഷം 2018-ലാണ് ദീപികയും രണ്വീറും വിവാഹിതരായത്. ഓണ് സ്ക്രീനിലെ മികച്ച കെമിസ്ട്രി ജീവിതത്തിലും പകര്ത്തിയ ഇവര്ക്ക് 2024 സെപ്റ്റംബര് 8-നാണ് ആദ്യത്തെ കുഞ്ഞ് (ദുവ) പിറന്നത്. ഏകദേശം ഒന്നര വര്ഷത്തിന് ശേഷം രണ്ടാമത്തെ അതിഥിയെക്കൂടി വരവേല്ക്കാനൊരുങ്ങുകയാണ് ഈ താരകുടുംബം.
What's Your Reaction?
