ബി.ജെ.പി. ദേശീയ കൗണ്‍സിലിലേക്ക് കേരളത്തില്‍നിന്ന് 30 അംഗങ്ങള്‍

തിരുവനന്തപുരം: ബി.ജെ.പി. ദേശീയ കൗൺസിലിലേക്ക് തെരഞ്ഞെടുക്കപ്പെട്ട കേരളത്തില്‍ നിന്നുള്ള 30 പേരുടെ പേരുകൾ പ്രഖ്യാപിച്ചു. കെ. സുരേന്ദ്രൻ, വി. മുരളീധരൻ, ശോഭ സുരേന്ദ്രൻ, പി. കെ. കൃഷ്ണദാസ്, കുമ്മനം രാജശേഖരൻ, തുടങ്ങിയ നേതാക്കളും കേന്ദ്രമന്ത്രിമാരായ ജോർജ് കുര്യൻ, സുരേഷ് ഗോപി എന്നിവരും ദേശീയ കൗൺസിലിൽ. ബിജെപി ദേശീയ അധ്യക്ഷനെ തെരഞ്ഞെടുക്കാനാണ് ദേശീയ കൗൺസിൽ. സംസ്ഥാന അധ്യക്ഷ തെരഞ്ഞെടുപ്പിനൊപ്പം ദേശീയ കൗൺസിലിലേക്കും നാമനിർദ്ദേശ പത്രിക സ്വീകരിച്ചിരുന്നു. 30 പേർ പത്രിക നൽകിയെന്നും എല്ലാവരെയും ഐക്യകണ്‌ഠേന തിരഞ്ഞെടുത്തതായും വരണാധികാരി അഡ്വ. നാരായണൻ നമ്പൂതിരി അറിയിച്ചു.

കെ സുരേന്ദ്രൻ, സുരേഷ് ഗോപി, ജോർജ്ജ് കുര്യൻ, എ.പി അബ്ദുള്ളക്കുട്ടി, അനിൽ കെ ആന്‍റണി, വി മുരളീധരൻ, കുമ്മനം രാജശേഖരൻ, പി.കെ കൃഷ്ണദാസ്, ഒ രാജഗോപാൽ, സി കെ പദ്മനാഭൻ, കെവി ശ്രീധരൻ മാസ്റ്റർ, എ.എൻ രാധാകൃഷ്ണൻ, എം ടി രമേശ്, സി കൃഷ്ണകുമാർ, പി സുധീർ, ശോഭാ സുരേന്ദ്രൻ, ഡോ കെ.എസ് രാധാകൃഷ്ണൻ, പദ്മജ വേണുഗോപാൽ, പിസി ജോർജ് , കെ.രാമൻ പിള്ള, പി.കെ വേലായുധൻ, പള്ളിയറ രാമൻ, വിക്ടർ ടി തോമസ്, പ്രതാപ ചന്ദ്രവർമ്മ, സി രഘുനാഥ്, പി രാഘവൻ, കെ.പി ശ്രീശൻ, എം സജീവ ഷെട്ടി, വി ടി അലിഹാജി, പി എം വേലായുധൻ എന്നിവരാണ് ബിജെപി ദേശീയ കൗൺസിൽ അംഗങ്ങളായി കേരളത്തിൽ നിന്ന് തെരഞ്ഞെടുക്കപ്പെട്ടത്.