‘സുധിപുരാണം’ ടൈറ്റിൽ സോംഗ് ലിറിക്കൽ വീഡിയോ പുറത്തിറങ്ങി

തിരുവനന്തപുരം: അന്ധവിശ്വാസങ്ങളെ ചിരിയിൽ പൊതിഞ്ഞ് വിമർശിക്കുന്ന ‘സുധിപുരാണം’ എന്ന ഫാമിലി കോമഡി സിനിമയുടെ ടൈറ്റിൽ സോംഗ് ലിറിക്കൽ വീഡിയോ പുറത്തിറങ്ങി.

ഫെഡറേഷൻ ഓഫ് ഗ്ലോബൽ ഫിലിം മേക്കേഴ്സ് (FGFM) ൻ്റെ തിരുവനന്തപുരം യൂണിറ്റാണ് ചിത്രം നിർമ്മിച്ചിരിക്കുന്നത്. അന്ധവിശ്വാസങ്ങളിൽ പിടിച്ചുപറ്റിയിട്ടും ജീവിതത്തിൽ മുന്നേറാൻ ആഗ്രഹിക്കുന്ന സുധീഷ് എന്ന ചെറുപ്പക്കാരൻ്റെ ജീവിതത്തിലാണ് സിനിമയുടെ കഥ മുന്നേറുന്നത്. തമാശ നിറഞ്ഞ സംഭവങ്ങളിലൂടെ സമൂഹത്തിലെ ചില അന്ധവിശ്വാസങ്ങൾക്കെതിരെ സിനിമ ഹാസ്യരൂപത്തിൽ വിമർശനം ഉയർത്തുന്നു.

സുധീഷ് എന്ന ടൈറ്റിൽ കഥാപാത്രത്തെ അഭിഷേക് ശ്രീകുമാറാണ് അവതരിപ്പിക്കുന്നത്. വരദ നായികയായി എത്തുന്നു. സൈലൻ, ഷീല സൈലൻ, അനിൽ വേട്ടമുക്ക്, അനിത എസ്.എസ്., സ്‌റ്റീഫൻ, വസന്തകുമാരി, ബാബു ശാന്തിവിള, രമേശ് ആറ്റുകാൽ, അഡ്വ. ജോയ് തോമസ്, രാജൻ ഉമ്മനൂർ, ബിജി ജോയ്, ബേബി ശിവന്ധിക, ബേബി ശിവാത്മിക, അക്ഷയ്, വിബിൽ രാജ്, സിദ്ധിഖ് കുഴൽമണ്ണം എന്നിവർ പ്രധാന വേഷങ്ങളിൽ എത്തുന്നു.

ചിത്രത്തിന്‍റെ രചന, സംവിധാനം, എഡിറ്റിംഗ് എന്നിവ നിർവ്വഹിച്ചിരിക്കുന്നത് എസ്.എസ്. ജിഷ്ണുദേവാണ്. ഛായാഗ്രഹണം ദിപിൻ എ.വി., ഗാനരചന സുരേഷ് വിട്ടിയറം, സംഗീതം ശ്രീനാഥ് എസ്. വിജയ്, ആലാപനം അശോക് കുമാർ ടി.കെ, അജീഷ് നോയൽ എന്നിവർ. ബ്രോഡ്ലാൻ്റ് അറ്റ്മോസ്, എസ്.കെ. സ്റ്റുഡിയോസ് പൂവ്വച്ചൽ എന്നിവിടങ്ങളിലാണ് സ്റ്റുഡിയോ പ്രവർത്തനങ്ങൾ നടന്നത്. മിക്സിംഗ്, മാസ്റ്ററിംഗ് - എബിൻ എസ്. വിൻസൻ്റ്.

പബ്ളിസിറ്റി ഡിസൈൻ പ്രജിൻ ഡിസൈൻസ് നിർവ്വഹിച്ചപ്പോൾ, പി.ആർ.ഒ അജയ് തുണ്ടത്തിൽ ആണ്.