ഉബൈനി സംവിധാനം ചെയ്യുന്ന ശുക്രൻ ആരംഭിച്ചു

കോട്ടയം: നീൽ സിനിമാസിന്റെയും സൂര്യഭാരതി ക്രിയേഷൻസിൻ്റെയും ബാനറിൽ ഉബൈനി സംവിധാനം ചെയ്യുന്ന ശുക്രൻ സിനിമയുടെ ചിത്രീകരണ തുടക്കം എം.എൽ.എമാരായ  തിരുവഞ്ചൂർ രാധാകൃഷ്ണൻ്റേയും ചാണ്ടി ഉമ്മൻ്റേയും സാന്നിദ്ധ്യത്തിൽ ചൊവ്വാഴ്ച്ച കോട്ടയത്തെ പനച്ചിക്കാട്ടു വച്ചു നടന്നു.

മനോജ് കുമാർ കെ.പി, ഷാജി കെ ജോർജ്, ഷിജു കെ ടോം എന്നീവർ ചേർന്ന് നിർമ്മിക്കുന്ന ചിത്രത്തിന്റെ കോ- പ്രൊഡ്യൂസേർസ് ജീമോൻ ജോർജ്, ഗിരീഷ് പാലമൂട്ടിൽ, സഞ്ജു നെടുംകുന്നേൽ എന്നീവരാണ്.  

തിരുവഞ്ചൂർ രാധാകൃഷ്ണൻ എം.എൽ.എ സ്വിച്ചോൺ കർമ്മം നിർവ്വഹിച്ചപ്പോൾ ചാണ്ടി ഉമ്മൻ എം.എൽ.എ  ഫസ്റ്റ് ക്ലാപ്പും നൽകിക്കൊണ്ടാണ് ചിത്രീകരണം ആരംഭിച്ചത്. ബിബിൻ ജോർജും, കോട്ടയം നസീറുമാണ് ആദ്യ രംഗത്തിൽ അഭിനയിച്ചത്.

തൻ്റെ അപ്പയെ അനുകരിക്കണമെന്ന് ചാണ്ടി ഉമ്മൻ

തൻ്റെ അപ്പയെ മനോഹരമായി അനുകരിക്കുന്ന കലാകാരനാണ് കോട്ടയം നസീറെന്നും കുറച്ചു നാൾ മുമ്പ് നസീർ നടത്തിയ ഒരു പ്രസ്താവനയാണ് ഇപ്പോൾ തന്റെ ഓർമ്മയിൽ വരുന്നതെന്നും നസീറിനി ഉമ്മൻ ചാണ്ടി സാറിനെ അനുകരിക്കില്ലായെന്നായിരുന്നു ആ പ്രസ്താവനയെന്നും അതിനു ശേഷം നസീറിനെ താൻ നേരിട്ട് കാണുന്നത് ഇപ്പോഴാണെന്നും ചാണ്ടി ഉമ്മൻ പറഞ്ഞു. തുടർന്ന് തന്റെ അപ്പയെ ഇനിയും നിങ്ങൾ അനുകരിക്കണമെന്ന് നസീറിനോട് അഭ്യർത്ഥിക്കുകയും ചെയ്തു.

"മനുഷ്യ മനസ്സിൽ ഇന്നും ജീവിക്കുന്ന മനുഷ്യനാണ് എൻ്റെ അപ്പ. അദ്ദേഹത്തെ അനുകരിക്കുന്നതു കാണുന്നത് ഏറെ സന്തോഷമാണ്. നസീറിനെ ചേർത്ത് നിർത്തി ചാണ്ടി ഉമ്മൻ പറഞ്ഞു. നീണ്ട കരഘോഷത്തോടെയാണ് ചാണ്ടി ഉമ്മൻ്റെ ഈ അഭ്യർത്ഥനയെ തിങ്ങിക്കൂടിയവർ സ്വാഗതം ചെയ്തത്.

ഒരേ ലക്ഷ്യം നിറവേറ്റാൻ രണ്ടു സുഹൃത്തുക്കൾ നടത്തുന്ന ശ്രമങ്ങളുടെ രസകരമായ സംഭവവികാസങ്ങളാണ്  റൊമാൻ്റിക്ക് കോമഡി ത്രില്ലറായ ചിത്രത്തിന്റെ ഇതിവൃത്തം. ബിബിൻ ജോർജും ചന്തുനാഥുമാണ് ഈ കഥാപാത്രങ്ങളെ അവതരിപ്പിക്കുന്നത്.

ഷൈൻ ടോം ചാക്കോയും ലാലു അലക്സും ശ്രദ്ധേയമായ കഥാപാത്രങ്ങളെ അവതരിപ്പിക്കുന്നു. ആദ്യ പ്രഭയാണ് നായിക. അസീസ് നെടുമങ്ങാട്, സന്തോഷ് കീഴാറ്റൂർ,.ബിനു തൃക്കാക്കര, അജയ് വാസുദേവ്, മധു പുന്നപ്ര,
കലാഭവൻ റഹ്മാൻ, ഷാജി കെ ജോർജ്, ജീമോൻ ജോർജ്, ഷിജു കെ ടോം, സഞ്ജു നെടുംകുന്നേൽ, ദിലീപ് റഹ്മാൻ, ഷാജു ഏബ്രഹാം, തുഷാര പിള്ള, സ്മിനു സിജോ, ദിവ്യാ എം നായർ, ലേഖാ നായർ, ജയ, ബേബി ഇശൽ, മാസ്റ്റർ നവനീത് എന്നീവരും പ്രധാന വേഷങ്ങളിലെത്തുന്നു.

രചന- രാഹുൽ കല്യാൺ.
ഗാനങ്ങൾ- വയലാർ ശരത്ചന്ദ്ര വർമ്മ രാജീവ് ആലുങ്കൽ.
സംഗീതം- സ്റ്റിൽജു അർജുൻ.
കായാഗ്രഹണം- മെൽവിൻ കുരിശിങ്കൽ.
കലാസംവിധാനം- അസീസ് കരുവാരക്കുണ്ട്.
മേക്കപ്പ്- സിജേഷ് കൊണ്ടോട്ടി.
കോസ്റ്റും ഡിസൈൻ- ബ്യൂസി ബേബി ജോൺ.
ചീഫ് അസ്സോസ്സിയേറ്റ് ഡയറക്ടർ- ബോബി സത്യശീലൻ.
പ്രൊജക്റ്റ് ഡിസൈൻ- അനുക്കുട്ടൻ ഏറ്റുമാന്നൂർ.
പ്രൊഡക്ഷൻ മാനേജർ- അനീഷ് തിരുവഞ്ചൂർ.
പ്രൊഡക്ഷൻ എക്സിക്കുട്ടീവ്- ജസ്റ്റിൻ കൊല്ലം. 
പ്രൊഡക്ഷൻ കൺട്രോളർ- ദിലീപ് ചാമക്കാല.
പി ആർ ഒ- വാഴൂർ ജോസ്.

കോട്ടയം, ഏറ്റുമാന്നൂർ, കിടങ്ങൂർ, തിരുവഞ്ചൂർ ഭാഗങ്ങളിലായാണ് ചിത്രത്തിൻ്റെ ചിത്രീകരണം.