കുസാറ്റ് ബി.ടെക് വിദ്യാര്‍ത്ഥിനി വാടകമുറിയില്‍ മരിച്ച നിലയില്‍: നടുക്കം വിട്ട്മാറാതെ ക്യാമ്പസ്

കൊച്ചി ശാസ്ത്ര-സാങ്കേതിക സർവകലാശാലയിലെ (കുസാറ്റ്) സിവിൽ എഞ്ചിനീയറിങ് നാലാം വർഷ വിദ്യാർത്ഥിനി കെ.എസ്. ദർശനയെയാണ് ഹിദായത്ത് നഗറിലെ താമസസ്ഥലത്ത് തൂങ്ങിമരിച്ച നിലയിൽ കണ്ടെത്തിയത്. വ്യാഴാഴ്ച നടക്കേണ്ടിയിരുന്ന പരീക്ഷയ്ക്ക് ദർശന എത്താതിരുന്നതിനെത്തുടർന്ന് നടത്തിയ അന്വേഷണത്തിലാണ് മുറിക്കുള്ളിൽ മൃതദേഹം കണ്ടെത്തിയത്. പരീക്ഷ കഴിഞ്ഞെത്തിയ സഹപാഠികൾ വാതിൽ പൊളിച്ച് അകത്തുകടന്നപ്പോഴാണ് ദാരുണമായ ദൃശ്യം കണ്ടത്. രണ്ടാഴ്ചയ്ക്കിടെ സർവകലാശാലയിൽ റിപ്പോർട്ട് ചെയ്യപ്പെടുന്ന രണ്ടാമത്തെ സമാനമായ മരണമാണിത്. സംഭവത്തിൽ വൈസ് ചാൻസലർ റിപ്പോർട്ട് തേടിയിട്ടുണ്ട്. തുടർച്ചയായുണ്ടാകുന്ന ഇത്തരം സംഭവങ്ങളുടെ പശ്ചാത്തലത്തിൽ വിദ്യാർത്ഥികളുടെ മാനസികാരോഗ്യവും സുരക്ഷയും മുൻനിർത്തി സർവകലാശാല ഉന്നതതല അന്വേഷണത്തിന് ഉത്തരവിട്ടു.