ഫോക്‌സ്‌വാഗൺ ടെയ്‌റോൺ നാളെ ഇന്ത്യയിൽ; വിലയും ഫീച്ചറുകളും അറിയാം

ന്യൂഡൽഹി: ജർമ്മൻ വാഹന നിർമ്മാതാക്കളായ ഫോക്‌സ്‌വാഗണിന്റെ ഏറ്റവും പുതിയ ത്രീ-റോ (Three-row) എസ്‌യുവി 'ടെയ്‌റോൺ' നാളെ ഇന്ത്യൻ വിപണിയിൽ അവതരിപ്പിക്കും. വാഹനത്തിന്റെ ഔദ്യോഗിക വിലയും നാളെത്തന്നെ പ്രഖ്യാപിക്കും. ഫെബ്രുവരി 5 മുതൽ ഈ മോഡലിനായുള്ള ബുക്കിംഗ് ആരംഭിച്ചിരുന്നു.

2.0 ലിറ്റർ TSI പെട്രോൾ എൻജിനാണ് വാഹനത്തിന് കരുത്ത് പകരുന്നത്. ഇത് 201 bhp കരുത്തും 320 Nm ടോർക്കും ഉത്പാദിപ്പിക്കുന്നു. 8-സ്പീഡ് ഓട്ടോമാറ്റിക് ട്രാൻസ്മിഷനാണ് ഇതിൽ ഉൾപ്പെടുത്തിയിരിക്കുന്നത്. പുറംഭാഗത്ത് 18 ഇഞ്ച് അലോയ് വീലുകളും ടെയ്‌റോണിന് മാത്രമായി എട്ട് വ്യത്യസ്ത നിറങ്ങളും ലഭ്യമാണ്.

ത്രീ-സോൺ ക്ലൈമറ്റ് കൺട്രോൾ, ഡ്യുവൽ ഡിജിറ്റൽ സ്ക്രീനുകൾ, കണക്റ്റഡ് കാർ സാങ്കേതികവിദ്യ, ഫുൾ എൽഇഡി ലൈറ്റ് പാക്കേജ് എന്നിവയുണ്ട്. ലെവൽ 2 ADAS സുരക്ഷാ സംവിധാനം, മസാജും വെന്റിലേഷനും ഉള്ള പവർഡ് ഫ്രണ്ട് സീറ്റുകൾ, പവർഡ് ടെയിൽഗേറ്റ് എന്നിവയും വാഹനത്തിന്റെ പ്രത്യേകതകളാണ്. ഇന്ത്യൻ വിപണിയിൽ ഏകദേശം 48 ലക്ഷം രൂപ മുതൽ 55 ലക്ഷം രൂപ വരെ ആയിരിക്കും ടെയ്‌റോണിന്റെ വിലയെന്നാണ് റിപ്പോർട്ടുകൾ സൂചിപ്പിക്കുന്നത്.