നിലമ്പൂർ മണ്ഡലം തിരിച്ചുപിടിച്ച് യുഡിഎഫ്; ആര്യാടൻ ഷൗക്കത്തിന് മിന്നും വിജയം
76666 വോട്ടാണ് യു ഡി എഫ് നേടിയത്.
മലപ്പുറം: നിലമ്പൂർ ഉപതിരഞ്ഞെടുപ്പിൽ ആര്യാടൻ ഷൗക്കത്തിന് മിന്നും വിജയം. ആര്യാടൻ ഷൗക്കത്തിലൂടെ നിലമ്പൂർ മണ്ഡലം യു ഡി എഫ് തിരിച്ചുപിടിച്ചു. 11005 വോട്ടിൻ്റെ വന്‍ ഭൂരിപക്ഷത്തിലാണ് യുഡിഎഫ് സ്ഥാനാര്‍ത്ഥി ആര്യാടന്‍ ഷൗക്കത്ത് വിജയിച്ചിരിക്കുന്നത്.
യുഡിഎഫിന് വലിയ സ്വാധീനമുള്ള വഴിക്കടവ് പഞ്ചായത്തിൽ പ്രതീക്ഷിച്ച മുന്നേറ്റമുണ്ടായില്ലെന്നും എൽഡിഎഫ് സ്വാധീന കേന്ദ്രങ്ങളിലെല്ലാം ഇത്തവണ യുഡിഎഫ് വൻ മുന്നേറ്റമുണ്ടാക്കി. 76666 വോട്ടാണ് യു ഡി എഫ് നേടിയത്. അതെ സമയം എൽഡിഎഫ് 65661 വോട്ടുകളും, അൻവർ 19593 വോട്ടുകളും, ബിജെപി 7593 വോട്ടുകളും നേടി.
2005 ല്‍ സിപിഎം സിറ്റിങ് സീറ്റില്‍ അട്ടിമറി വിജയം നേടിയാണ് ആര്യാടന്‍ ഷൗക്കത്ത് നിലമ്പൂര്‍ പഞ്ചായത്തംഗവും തുടര്‍ന്ന് പഞ്ചായത്ത് പ്രസിഡന്റുമായത്. വോട്ടെണ്ണലിന്റെ ആദ്യ മിനുറ്റുകള്‍ മുതല്‍ കാര്യമായ മുന്‍കൈ ആര്യാടന്‍ ഷൗക്കത്ത് നേടിയിരുന്നു. രണ്ട് റൗണ്ടിലൊഴികെ ബാക്കിയെല്ലാ റൗണ്ടിലും ഷൗക്കത്ത് തന്നെയായിരുന്നു മുന്നില്‍.
What's Your Reaction?
