പുതുവത്സരാഘോഷം: സംസ്ഥാനത്ത് ബാറുകളുടെ പ്രവർത്തന സമയം നീട്ടി സർക്കാർ ഉത്തരവ്
വിനോദസഞ്ചാരികളുടെ വലിയ തോതിലുള്ള വരവും ആഘോഷങ്ങളുടെ പ്രാധാന്യവും കണക്കിലെടുത്താണ് ഈ തീരുമാനം
തിരുവനന്തപുരം: പുതുവത്സരാഘോഷങ്ങളോടനുബന്ധിച്ച് സംസ്ഥാനത്തെ ബാറുകളുടെ പ്രവർത്തന സമയം നീട്ടി നൽകിക്കൊണ്ട് കേരള സർക്കാർ ഉത്തരവിറക്കി. വിനോദസഞ്ചാരികളുടെ വലിയ തോതിലുള്ള വരവും ആഘോഷങ്ങളുടെ പ്രാധാന്യവും കണക്കിലെടുത്താണ് ഈ തീരുമാനം.
പുതുവത്സര തലേന്നായ ഡിസംബർ 31 ബുധനാഴ്ച, ബാറുകൾക്കും ബിയർ-വൈൻ പാർലറുകൾക്കും രാത്രി 12 മണി വരെ പ്രവർത്തിക്കാൻ അനുമതി നൽകി. സാധാരണ പ്രവർത്തന സമയത്തിൽ നിന്ന് ഇളവ് നൽകിക്കൊണ്ടാണ് സർക്കാർ ഇപ്പോൾ പ്രത്യേക ഉത്തരവ് പുറപ്പെടുവിച്ചിരിക്കുന്നത്.
ആഘോഷങ്ങൾക്കായി എത്തുന്നവർക്ക് സൗകര്യമൊരുക്കുന്നതിനൊപ്പം ടൂറിസം മേഖലയ്ക്ക് കരുത്തുപകരുക കൂടിയാണ് ഈ നീക്കത്തിലൂടെ സർക്കാർ ലക്ഷ്യമിടുന്നത്.
What's Your Reaction?
