8 വയസുള്ള മകളെ 29 നിലയിൽ നിന്ന് തള്ളിയിട്ടു; പിന്നാലെ അമ്മയും താഴേക്കു ചാടി
ഭർത്താവും ഫ്ലാറ്റിലെ ജീവനക്കാരും ചേർന്ന് ഇരുവരേയും ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ സാധിച്ചില്ല
നവി മുംബൈ: 8 വയസുള്ള മകളെ 29ാം നിലയിൽ നിന്നു വലിച്ചെറിഞ്ഞ ശേഷം അമ്മ താഴേയ്ക്കു ചാടി ജീവനൊടുക്കി. മഹാരാഷ്ട്രയിലെ നവി മുംബൈയിലെ പനവേലിലാണ് സംഭവം നടന്നത്. മൈഥിലി ദുവാ (37) എന്ന സത്രീയാണ് മരിച്ചത്.
ഇന്ന് രാവിലെയാണ് സംഭവം നടന്നത്. ഇവർ കുടുംബവുമായി താമസിച്ചിരുന്ന ഫ്ലാറ്റിലെ 29ാം നിലയിൽ നിന്നാണ് ചാടി ആത്മഹത്യ ചെയ്തത്. പൻവേലിലെ പാലാപ്സിലെ മാരത്തോൺ നെക്സ്റ്റിലായിരുന്നു ഇവർ താമസിച്ചിരുന്നത്.
രാവിലെ 8:30 ഓടെ യുവതി മകളുമായി മുറിയിൽ കയറി വാതിൽ കുറ്റിയിടുകയായിരുന്നു. എന്നാൽ കുട്ടി ഉടൻ തന്നെ മുറി തുറക്കാൻ ആവശ്യപ്പെട്ട് കരഞ്ഞു നിലവിളിച്ചു. കുഞ്ഞ് കരയുന്നത് കേട്ടതോടെ ഭർത്താവ് ആശിഷ് കതക് തുറക്കാൻ ആവശ്യപ്പെട്ടെങ്കിലും ഇവർ തുറന്നില്ല.
അതിനു ശേഷമാണ് ബാൽക്കണിയിലെത്തിയ ഇവർ മകളെ താഴെയ്ക്ക് തള്ളിയിട്ട ശേഷം കെട്ടിടത്തിൽ നിന്ന് ചാടിയത്. ഭർത്താവും ഫ്ലാറ്റിലെ ജീവനക്കാരും ചേർന്ന് ഇരുവരേയും ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ സാധിച്ചില്ല.
What's Your Reaction?
