ബീമാപള്ളി ഉറൂസിന് ഇന്ന് കൊടിയേറും; തിരുവനന്തപുരത്ത് ഇന്ന് പ്രാദേശിക അവധി 

തിരുവനന്തപുരം: പ്രശസ്ത ഇസ്ലാം മത ആരാധനാലയമായ ബീമാപ്പള്ളി ദർഗാ ഷെരീഫ് വാർഷിക ഉറൂസ് മഹോത്സവത്തോടനുബന്ധിച്ച് ഇന്ന് (നവംബർ 22, ശനിയാഴ്ച) തിരുവനന്തപുരം ജില്ലാ കളക്ടർ പ്രാദേശിക അവധി പ്രഖ്യാപിച്ചു.

നവംബർ 22 മുതൽ ഡിസംബർ 2 വരെയാണ് ബീമാപ്പള്ളി ഉറൂസ് മഹോത്സവം നടക്കുന്നത്. തിരുവനന്തപുരം നഗരസഭാ പരിധിയിലുള്ള എല്ലാ വിദ്യാഭ്യാസ സ്ഥാപനങ്ങൾക്കും (പ്രൊഫഷണൽ കോളേജുകൾ ഉൾപ്പെടെ) സർക്കാർ ഓഫീസുകൾക്കും അവധി ബാധകമായിരിക്കും.

തദ്ദേശ സ്വയംഭരണ സ്ഥാപനങ്ങൾക്ക് അവധി ബാധകമല്ല. പൊതു തിരഞ്ഞെടുപ്പുമായി ബന്ധപ്പെട്ട് പ്രവർത്തിക്കുന്ന സർക്കാർ സ്ഥാപനങ്ങൾക്കും അവധി ബാധകമായിരിക്കില്ല. മുൻ നിശ്ചയിച്ചിട്ടുള്ള പൊതുപരീക്ഷകൾക്ക് അവധി ബാധകമായിരിക്കില്ല.

ഉറൂസ് മഹോത്സവത്തിൻ്റെ ആദ്യ ദിവസമായ ഇന്ന് പ്രാദേശിക അവധി അനുവദിക്കുന്നതിന് സർക്കാരിൽ നിന്ന് മുൻകൂർ അനുമതി ലഭിച്ചിരുന്നു. ഇത് പ്രകാരമാണ് കളക്ടറുടെ ഉത്തരവ്.