11കാരിയെ ആഭിചാരക്രിയയുടെ പേരിൽ പീഡിപ്പിക്കാൻ ശ്രമം
പോക്സോ കേസിൽ അറസ്റ്റിലായ ഷിനു നിലവിൽ റിമാൻഡിലാണ്
കൊല്ലം: കൊല്ലത്ത് ആഭിചാരക്രിയയുടെ മറവില് 11കാരിയെ പീഡിപ്പിക്കാന് ശ്രമിച്ച സ്വാമി അറസ്റ്റില്. മുണ്ടയ്ക്കല് സ്വദേശി ഷിനുവാണ് അറസ്റ്റിലായത്. പൂജക്ക് എത്തിയപ്പോൾ പീഡിപ്പിച്ചെന്ന് നിരവധി സ്ത്രീകൾ വെളിപ്പെടുത്തി.
മൂന്ന് ദിവസം മുമ്പാണ് പെണ്കുട്ടിയുടെ പരാതിയില് ഈസ്റ്റ് പോലീസ് ഇയാളെ അറസ്റ്റ് ചെയ്തത്. മകളോട് മോശമായി പെരുമാറിയെന്ന് അമ്മ മാധ്യമങ്ങളോട് പറഞ്ഞു. പരീക്ഷയ്ക്ക് ഉയര്ന്ന വിജയം വാഗ്ദാനം ചെയ്തായിരുന്നു കുട്ടിയെ ആഭിചാരക്രിയയ്ക്ക് വിധേയയാക്കിയത്.
ഉയര്ന്ന വിജയം കരസ്ഥമാക്കാമെന്ന് പറഞ്ഞ് കുട്ടിയെ ഒറ്റയ്ക്ക് മുറിയില് കൊണ്ടുപോയി സ്വകാര്യ ഭാഗത്തില് സ്പര്ശിച്ചെന്നാണ് പരാതി. കുട്ടിയുടെ ദേഹത്ത് ഏകദേശം ഏഴോളം ചരടുകളും ഇയാള് കെട്ടിയിട്ടുണ്ട്. പോക്സോ കേസിൽ അറസ്റ്റിലായ ഷിനു നിലവിൽ റിമാൻഡിലാണ്. മാത്രമല്ല ഷിനു മന്ത്രവാദത്തിന്റെ പേരിൽ നിരവധി പേരിൽ നിന്നായി തട്ടിയെടുത്തത് ലക്ഷങ്ങളാണെന്നാണ് വിവരം.
What's Your Reaction?
