'കൂപ്പെ-സ്‌റ്റൈല്‍ ഡിസൈന്‍', ടി- റോക്ക് അവതരിപ്പിച്ച് ഫോക്സ്വാഗണ്‍ 

ജര്‍മ്മന്‍ കാര്‍ നിര്‍മ്മാതാക്കളായ ഫോക്സ്വാഗണ്‍ അവരുടെ ഏറ്റവും ജനപ്രിയ എസ്യുവിയായ പുതുതലമുറ ടി-റോക്ക് അവതരിപ്പിച്ചു. ലോകമെമ്പാടും ഇതിനകം 20 ലക്ഷത്തിലധികം യൂണിറ്റുകള്‍ വിറ്റഴിക്കപ്പെട്ട മോഡലിന്റെ പുതിയ പതിപ്പാണിത്. പുതിയ ടി-റോക്ക് ഇപ്പോള്‍ കൂടുതല്‍ ഷാര്‍പ്പായിട്ടുള്ളതും പ്രീമിയവുമായി കാണപ്പെടുന്നു. 

ഈ എസ്യുവി ഇപ്പോള്‍ 12 സെന്റീമീറ്റര്‍ നീളമുള്ളതായി മാറിയിരിക്കുന്നു, ഇത് റോഡിലും ക്യാബിന്‍ സ്ഥലത്തും അതിന്റെ സാന്നിധ്യം വര്‍ധിപ്പിച്ചു. കൂപ്പെ-സ്‌റ്റൈല്‍ ഡിസൈന്‍ പിന്നില്‍ നല്‍കിയിട്ടുണ്ട്. ഇത് ഇതിന് ഒരു സ്‌പോര്‍ട്ടി ലുക്ക് നല്‍കുന്നു. ഈ പുതിയ ടി-റോക്കില്‍ പൂര്‍ണ്ണമായും ഹൈബ്രിഡ് പെട്രോള്‍ എഞ്ചിനാണുള്ളത്. രണ്ട് 1.5 ലിറ്റര്‍ ഇടിഎസ്‌ഐ മൈല്‍ഡ് ഹൈബ്രിഡ് എഞ്ചിനുകളും 2.0 ലിറ്റര്‍ ഇടിഎസ്‌ഐ ഹൈബ്രിഡ് (എഡബ്ല്യുഡി സഹിതം) എഞ്ചിനും ലഭിക്കും. 

പ്രകടനത്തെ അടിസ്ഥാനമാക്കിയുള്ള ടി-റോക്ക് ആര്‍ പതിപ്പും ഇതിനുണ്ട്. വാഹനത്തിനായി ജര്‍മ്മനിയില്‍ പ്രീ-ബുക്കിങുകള്‍ ആരംഭിച്ചു. 2025 നവംബര്‍ മുതല്‍ ഡെലിവറികള്‍ ആരംഭിക്കും. ആഗോളതലത്തില്‍ 2025 അവസാനമോ 2026 ആദ്യമോ ആയിരിക്കും ലോഞ്ച് ഷെഡ്യൂള്‍ ചെയ്തിരിക്കുന്നത്.